uttar pradesh: लग्नाच्या हॉलमधील बाथरूममध्ये तरुणीचा मृतदेह, रूममधील ‘ते’ दृश्य बघून नातेवाइक हादरले – woman body found in marriage hall room in meerut uttar pradesh

अनमोल शर्मा/मेरठ: उत्तर प्रदेशातील मेरठमध्ये एका मंगल कार्यालयात खोलीतील बाथरूममध्ये एका तरूणीचा मृतदेह आढळल्याने खळबळ उडाली. ज्या खोलीतील बाथरूममध्ये तरूणीचा मृतदेह आढळला, त्याच खोलीत बेडवर एक व्यक्ती दारूच्या नशेत आढळून आली. याबाबत पोलिसांनीच ही माहिती दिली. तरुणीवर अत्याचार झाल्याचा संशय व्यक्त करण्यात येत आहे. पोलीस या घटनेचा तपास करत आहेत. शवविच्छेदन अहवाल आल्यानंतरच मृत्यूचे कारण स्पष्ट होईल.

मेरठच्या भावनपूर येथील दतावली रोडवर एका मंगल कार्यालयात लग्नसोहळा सुरू होता. त्याचवेळी सोमवारी रात्री उशिरा लग्नसोहळ्याला आलेली एक तरूणी बेपत्ता झाली. त्यानंतर कुटुंबीयांनी तिचा शोध घेतला. मंगल कार्यालयातील सर्व खोल्यांमध्ये तिचा शोध घेतला. त्यातील एका खोलीचा दरवाजा बंद होता. दरवाजा उघडला असता, शामली येथील रवी नावाची व्यक्ती खोलीतील बेडवर मद्यधुंद अवस्थेत पडला होता. तो पोलीस कर्मचारी आहे. तर तरूणी बाथरूममध्ये पडली होती. तरूणीला रुग्णालयात नेण्यात आले. तिथे तिला मृत घोषित करण्यात आले.

‘त्या’ अलीशान बंगल्यात घडलं होतं भयानक; नोकरानं दरवाजा उघडताच…
बाथरूममध्ये पत्नी करत होती आंघोळ; हैवान इंजिनीअर पतीने केले धक्कादायक कृत्य
मंगल कार्यालयातील सीसीटीव्ही कॅमेरे बंद

तरूणीच्या नातेवाइकांनी संताप व्यक्त करत रवी याला मारहाण करण्यास सुरुवात केली. त्यानंतर मंगल कार्यालयातील कर्मचाऱ्यांकडे सीसीटीव्ही फुटेज दाखवावेत, असा आग्रह धरला. मात्र, सीसीटीव्ही कॅमेरे बंद असल्याचे सांगण्यात आले. दुसरीकडे, मंगल कार्यालयातील कर्मचाऱ्यांनी तरूणीच्या नातेवाइकांना मारहाण केल्याचा आरोप आहे. या घटनेची माहिती मिळताच, पोलीस घटनास्थळी पोहोचले. घटनास्थळी वातावरण तणावाचे होते. पोलिसांनी हस्तक्षेप करत परिस्थिती नियंत्रणात आणली. तरुणीचा मृतदेह विच्छेदनासाठी रुग्णालयात नेण्यात आला.

मेरठचे वरिष्ठ पोलीस अधीक्षक प्रभाकर चौधरी यांनी सांगितले की, ज्या खोलीतील बाथरूममध्ये तरूणीचा मृतदेह आढळून आला, त्या खोलीतील बेडवर एक व्यक्ती मद्यधुंद अवस्थेत सापडली. ती व्यक्ती पोलीस कॉन्स्टेबल आहे. एक अन्य व्यक्तीही लग्नसोहळ्यातून बेपत्ता झाला आहे. त्याचा शोध घेण्यात येत आहे. या प्रकरणी हत्येचा गुन्हा दाखल करण्यात आला असून, तपास सुरू आहे.

नवी मुंबई भरदिवसा हादरली; दरोड्याचा थरार, दुपारी ज्वेलर्समध्ये तिघे मास्कधारी घुसले अन्..
विचित्र आणि धक्कादायक घटना; तोंडावर मास्क होता, पहिली पत्नी समजून त्यानं…