kangana ranaut: ‘दुसरा गाल पुढे केल्यावर स्वातंत्र्य नाही तर भीक मिळते’, कंगनाने उडवली महात्मा गांधींची खिल्ली – kangana ranaut on mahatma gandhi offering another cheek gets bheek not freedom

मुंबई- सुभाषचंद्र बोस आणि भगत सिंग यांना महात्मा गांधींकडून पाठिंबा मिळाला नसल्याचा दावा करत कंगना राणौत ने मंगळवारी नव्या वादाला तोंड फोडले. तिने गांधींच्या अहिंसेच्या तत्त्वांची खिल्ली उडवत म्हटलं की दुसरा गाल पुढे करून ‘भीक मिळते’ स्वातंत्र्य मिळत नाही. रणौतने गेल्या आठवड्यात म्हटले होते की, भारताला १९४७ मध्ये भीक मिळाली होती स्वातंत्र्य मिळालं नव्हतं. खरं स्वातंत्र्य २०१४ मध्ये नरेंद्र मोदी सरकार सत्तेवर आल्यावर मिळालं.

इन्स्टाग्रामवर एकामागून एक पोस्ट करत रणौतने महात्मा गांधींवर निशाणा साधत लोकांना नायक समजूतदारपणे निवडण्याचाही सल्ला तिने यावेळी दिला. कंगनाने एका वृत्तपत्रात प्रसिद्ध झालेली बातमी शेअर केली. ज्यात ‘गांधी यांनी बोस यांना इंग्रजांकडे सोपवण्याची तयारी दाखवली होती.’ या अहवालात असा दावा करण्यात आला आहे की एका ब्रिटीश न्यायाधीशाकडे गांधी, जवाहरलाल नेहरू आणि मोहम्मद अली जीना यांनी सुभाषचंद्र बोस भारतात आले तर त्यांना ताब्यात देण्याची तयारी दाखवली होती.

वृत्तपत्राच्या कटिंगसह कंगनाने लिहिले की, ‘एकतर तुम्ही गांधींचे चाहते आहात किंवा नेताजींचे समर्थक आहात. तुम्ही दोघे एकत्र राहू शकत नाही… निवडा आणि ठरवा.’ दुसर्‍या पोस्टमध्ये रणौतने दावा केला की, ‘ज्यांनी स्वातंत्र्यासाठी लढा दिला त्यांना अशा लोकांनी त्यांच्या मालकांच्या स्वाधीन केले, ज्यांच्यात जुलूमांशी लढण्याचे धैर्य नव्हते किंवा ज्यांचे रक्त कधी उसळले नाही. ते धूर्त आणि सत्तेचे लोभी होते.’ यानंतर तिने गांधींवर निशाणा साधला आणि भगत सिंग यांना फाशी द्यावी अशी त्यांची इच्छा असल्याचा पुरावा असल्याचाही कंगनाने दावा केला.

३४ वर्षीय कंगना म्हणाली, ‘हे तेच लोक आहेत ज्यांनी आम्हाला शिकवले की जर तुम्हाला कोणी कानाखाली मारली तर अजून एक कानाखाली खाण्यासाठी दुसरा गाल पुढे करा. त्यामुळे तुम्हाला स्वातंत्र्य मिळेल.’ अशाप्रकारे कोणाला स्वातंत्र्य मिळत नाही, अशा प्रकारे परमार्थ मिळू शकतो. तुमचा नायक हुशारीने निवडा.’