हायलाइट्स:

  • कॉमेडियन-अभिनेता वीर दासविरोधात दोन गुन्हे दाखल
  • एक गुन्हा महाराष्ट्रातल्या पालघरमध्ये तर दुसरा दिल्लीत दाखल
  • ‘आय कम फ्रॉम टू इंडियाज’ कवितेचा वाद

नवी दिल्ली : प्रसिद्ध कॉमेडियन वीर दास याच्याविरोधात ‘परदेशात भारताची प्रतिमा मलिन’ करण्याचा आरोप करत पोलिसांत दोन तक्रारी नोंदविण्यात आल्या आहे.

मंगळवारी १६ नोव्हेंबर रोजी वीर दासनं अमेरिकेतल्या आपल्या एका कार्यक्रमात केलेल्या वादग्रस्त वक्तव्यानंतर त्याच्याविरोधात ही तक्रार दाखल करण्यात आलीय.

भाजपचे कायदेशीर सल्लागार आणि मुंबई उच्च न्यायालयाचे वकील आशितोष दुबे यांच्याकडून मुंबई पोलिसांत एक तक्रार महाराष्ट्रातील पालघरमध्ये दाखल करण्यात आलीय. तर दुसरी तक्रार दिल्लीतल्या टिळक मार्ग पोलीस स्टेशनमध्ये दाखल करण्यात आलीय.

काय आहे वाद?

कॉमेडियन आणि अभिनेता वीर दास यानं अमेरिकेतल्या वॉशिंग्टन डीसीमध्ये स्टँडअप कॉमेडी कार्यक्रमात ‘दोन भारत‘ नावानं एक कविता वाचून दाखवली होती. त्याच्या कवितेचा व्हिडिओ सोशल मीडियावर व्हायरल झाला आहे. या कवितेतली ‘मी त्या भारतातून येतो, जिथे आम्ही दिवसा महिलांची पूजा करतो आणि रात्री सामूहिक बलात्कार‘ अशी एक ओळ वादात अडकलीय.

वीर दासनं आपल्या कवितेचा व्हिडिओ आपल्या यूट्यूब चॅनलवर ‘आय कम फ्रॉम टू इंडियाज’ नावानं अपलोड केला आहे. सहा मिनिटांच्या या व्हिडिओत वीर दासनं भारतातल्या प्रचलित गोष्टींवर व्यंगात्मक टिप्पणी करत वास्तव मांडण्याचा प्रयत्न केलाय. भाजप कार्यकर्त्या प्रीती गांधी यांच्यासह अनेकांनी वीर दास याचं हे वक्तव्य ‘भारताची प्रतिमा मलिन’ करणारं असल्याचं म्हटलंय.

Kartarpur Sahib: तब्बल दीड वर्षानंतर कर्तारपूर कॉरिडोर पुन्हा एकदा सुरू, नियमही जाणून घ्या…teachers news : शिक्षकांच्या एकसुरी उत्तराने मुख्यमंत्र्यांची भर सभेत नाचक्की! व्हिडिओ झाला व्हायरल…
आपल्या वक्तव्यावरून सुरू असलेल्या वादावर वीर दासनं स्पष्टीकरणही दिलंय. आपल्या देशाचा अपमान करण्याचा आपला कोणताही हेतू नव्हता. या व्हिडिओत आपण लोकांच्या विचारांसंबधी भाष्य करत असल्याचं वीरनं म्हटलंय. ‘एकाच विषयावर दोन वेगवेगळे विचार मांडणाऱ्या लोकांबद्दल व्हिडिओमध्ये भाष्य करण्यात आलंय आणि हे कोणतंही रहस्य नाही, ही गोष्ट सगळ्यांच्याच परिचयाची आहे’ असंही वीर दासनं म्हटलंय.

‘देशातील वेगवेगळ्या मुद्यांनंतरही भारत महान आहे. लोक भारताकडे मोठ्या आशेने पाहतात, द्वेषानं नाही. लोक भारतासाठी टाळ्या वाजवतात, मान देतात आणि मला माझ्या देशाचा अभिमान आहे. मी याच अभिमानासोबत जगतो’, असं वीर दासनं ट्विटरवर म्हटलंय.

kangana ranaut : कंगना पुन्हा बोलली, ‘गांधींना भगतसिंगांची फाशी हवी होती, नेताजींना समर्थन दिले नाही’
supreme court म्हणाले, ‘मंदिरात आरती कशी करायची, नारळ कसे फोडायचे, हे ठरवणं आमचं काम नाही’

Marathi News: मराठी बातम्या, Latest News in Marathi, Breaking Marathi News, Marathi News Paper | Maharashtra Times

LEAVE A REPLY

Please enter your comment!
Please enter your name here