श्रेया बुगडे बिग बॉसच्या घरात? त्या एका फोटोमुळं चर्चेला उधाण – shreya bugde in bigg boss marathi photos viral on social media

मुंबई :’चला हवा येऊ द्या‘मधून प्रेक्षकांना खळखळून हसवणारी अभिनेत्री श्रेया बुगडे नेहमीच चर्चेच असते. सोशल मीडिया ती अनेक फोटो शेअर करते. तिच्या अभिनयासोबतच तिच्या स्टाइल आणि खासगी आयुष्याचीही अनेकदा चर्चा झाली. श्रेया पुन्हा एकदा चर्चेत आली आहे. बिग बॉसच्या घरात श्रेयाची एन्ट्री होणार असल्याच्या चर्चेला सध्या उधाण आलं आहे.

‘चला हवा येऊ द्या’ च्या टीम मधील श्रेया महत्त्वाची व्यक्ती आहे. असं असताना तिच्या बिग बॉसमधील एन्ट्रीच्या चर्चा सुरू आहेत. त्यासाठी कारण ठरलं आहे , तिनं गळ्यात घातलेलं एक लॉकेट. बिग बॉसचा लोगो आहे तसंच लॉकेट तिनं गळ्यात घातलं आहे. त्यामुळं श्रेया बिग बॉसमध्ये येणार का? असा प्रश्न नेटकरी विचारत आहेत.
अनिकेत विश्वासराव विरोधात कौटुंबिक हिंसाचाराचा गुन्हा दाखल, पत्नीने केले मारहाणीचे आरोप

श्रेयानं ओटीटीवरही जोरदार एन्ट्री घेतली आहे. ‘बायकोला हवं तरी काय’ या वेबसीरिजमध्ये ती मुख्य भूमिकेत दिसली होती. अनिकेत विश्वासराव आणि निखिल रत्नपारखी यांच्याही महत्त्वाच्या भूमिका होत्या.