madhya pradesh: लष्कराचा जवान वर्षभरापासून होता घरी, आई-वडिलांनी रुजू होण्यास सांगितल्याचा राग आला अन्… – son shots his father and mother after they told him to join army job in rewa in madhya pradesh

रीवा: मध्य प्रदेशातील रीवामध्ये लष्करात तैनात असलेल्या जवानाने आपल्याच आई-वडिलांवर गोळ्या झाडल्या. यात दोघेही जखमी झाले आहेत. त्यांना रुग्णालयात दाखल करण्यात आले आहे. या घटनेनंतर आरोपी घटनास्थळावरून फरार झाला होता. त्याला पोलिसांनी अटक केली आहे. हा जवान गेल्या वर्षभरापासून घरीच होता. त्याला पुन्हा ड्युटीवर जाण्यास सांगितले म्हणून रागातून त्याने हे कृत्य केल्याची माहिती समोर आली आहे.

लौर पोलीस ठाण्याच्या हद्दीतील पीडरिया गावात ही धक्कादायक घटना घडली. मिळालेल्या माहितीनुसार, आरोपी मुलगा हा लष्करात सेवेत होता. मात्र, गेल्या वर्षभरापासून तो ड्युटीवर गेला नाही. त्याचे वडीलही सैन्यात होते. अम्बिका असे त्यांचे नाव आहे. आपल्या मुलाला ते लष्करात पुन्हा रूजू होण्यास सांगत होते. यावरून त्यांच्यात वादही होत होते. वडिलांनी पुन्हा याबाबत त्याला विचारणा केल्यानंतर रागाच्या भरात आपल्या आई-वडिलांवर बंदुकीतून गोळ्या झाडल्या. माजी सैनिक असलेले वडील त्याला वारंवार ड्युटीवर जाण्यास सांगत होते. मात्र, आरोपी टाळाटाळ करत असे. आई-वडील वारंवार त्याला लष्करात पुन्हा रुजू होण्यास सांगत असल्याने त्याने हे कृत्य केले.

खळबळ! पुलवामातील तैनात CRPF जवानाला केली अटक, नक्षल्यांना पुरवायचा शस्त्रे
सौंदर्याची मोहिनी घालायची, तरुणांना अडकवायची, ‘ड्रग्ज क्वीन’च्या काळ्या कारनाम्यांचा पर्दाफाश

या घटनेत अंबिका पाण्डेय आणि त्यांची पत्नी शीला या गंभीर जखमी झाल्या आहेत. घटनेनंतर आरोपी तेथून पसार झाला आहे. जखमी झालेल्या आई-वडिलांना उपचारासाठी संजय गांधी मेमोरियल हॉस्पिटलमध्ये दाखल करण्यात आले आहे. आता त्यांची प्रकृती स्थिर असल्याचे सांगण्यात आले.

नात्याला काळिमा; मुलीनं प्रेमविवाह केल्याचा मनात होता राग, नराधम बापाचं धक्कादायक कृत्य
मित्राने शरीरसंबंधांनंतर केले ब्लॅकमेल; त्रासलेल्या विधवा महिलेने उचलले टोकाचे पाऊल