आदिवासी गौरव दिन: Madhya Pradesh: ‘आदिवासी गौरव दिना’ला मोदींच्या भाषणात सहभागी झालेले १५ जण बेपत्ता – madhya pradesh : 15 tribal disappear who came to bhopal for janjatiya gaurav diwas

भोपाळ : १५ नोव्हेंबर रोजी ‘आदिवासी गौरव दिना’निमित्तानं मध्य प्रदेशची राजधानी भोपाळमध्ये पंतप्रधान नरेंद्र मोदींच्या भाषणासहीत अनेक कार्यक्रमांचं आयोजन करण्यात आलं होतं. सत्ताधारी भाजप सरकारनं केलेल्या दाव्यानुसार, राज्यातील जवळपास अडीच लाख आदिवासी पंतप्रधान नरेंद्र मोदींच्या भाषणासाठी जंबुरी मैदानात एकत्र जमले होते. मात्र, या कार्यक्रमानंतर जवळपास १५ नागरिक बेपत्ता झाल्याचं समोर आलंय. भोपाळच्या पिपलानी पोलीस ठाण्यात यासंबंधी तक्रार नोंदविण्यात आली आहे.

भाजपच्या वेगवेगळ्या नेत्यांकडून आणि कार्यकर्त्यांकडून राज्यातील ५२ जिल्ह्यांतील बस आदिवासींना कार्यक्रमस्थळी घेऊन येण्यासाठी सुनिश्चित करण्यात आल्या होत्या. कार्यक्रमानंतर लोक आपापल्या जिल्ह्यांच्या बसमध्ये बसून घरी पोहचले. मात्र, १५ जण कार्यक्रमानंतर बेपत्ता झाल्याचं समोर येतंय.

Modi in MP: मोदींची ‘उंची’ बिरसा मुंडांहून अधिक?, भाजपच्या होर्डिंगबाजीवर काँग्रेसचा निशाणा
आदिवासी गौरव दिन : बिरसा मुंडांच्या स्मरणार्थ संग्रहालयाचं मोदींकडून उद्घाटन
या प्रकरणी मध्य प्रदेश काँग्रेस प्रमुख आणि माजी मुख्यमंत्री कमलनाथ यांनी भाजप सरकारला घेरण्याचा प्रयत्न केलाय. ‘पोलीस प्रशासनाच्या ठेकेदारां’नी हे आयोजन केल्याचा तसंच यात जनतेची दिशाभूल करण्यात आल्याचा आरोप कमलनाथ यांनी केला आहे.

बेपत्ता असणाऱ्या १५ नागरिकांत पुरुषांसहीत स्त्रियांचाही समावेश आहे. बेपत्ता नागरिकांत शांती बाई (८० वर्ष), बच्चू सिंह (६० वर्ष), मुकुंदा (४० वर्ष), वर्दा (५५ वर्ष), नाना बरेला (५५ वर्ष), मकना बारिया (४० वर्ष), जागलाल भारती (५५ वर्ष), कमलेश (३५ वर्ष), सूरज सिंह (६० वर्ष), मांगू (४० वर्ष), बाजारू सिंह (४० वर्ष), कमर सिंह (५५ वर्ष), गंगादास (६० वर्ष), सीताराम (४० वर्ष) आणि भैरोसिंह (४० वर्ष) यांचा समावेश आहे. पोलिसांच्या म्हणण्यानुसार, बेपत्ता नागरिकांपैंकी कुणीही अद्याप घरी पोहचल्याची माहिती नाही.

पंतप्रधान नरेंद्र मोदींच्या मध्य प्रदेशच्या चार तासांच्या दौऱ्यासाठी शिवराज सरकारकडून तब्बल २३ कोटींचा खर्च करण्यात आल्याचं समोर आलं होतं. एकूण २३ कोटींतील १२ कोटींहून अधिक पैसे केवळ आदिवासींना आयोजन स्थळावर घेऊन जाण्यासाठी खर्च करण्यात आल्याची माहिती भाजप सूत्रांनी दिली होती. यात कार्यक्रमासाठी येणाऱ्या आदिवासींच्या प्रवासाचा, राहण्याचा आणि खाण्याचा खर्चही समावेश होता.

अखेर न्याय मिळाला! सौरभ कृपाल ठरणार देशातील पहिले समलैंगिक न्यायाधीश
OPINION POLL: यूपीत पुन्हा भाजपला सत्ता मिळण्याचा अंदाज, पण योगींचं काय?