राष्ट्रवादीच्या आमदाराला समर्थकांसमोरच मारहाण; कोण आहे आरोपी? – ncp mlc babajani durrani beaten in front of supporters

परभणी : राष्ट्रवादी काँग्रेसचे जिल्हाध्यक्ष आणि विधानपरिषदेतील आमदार बाबाजानी दुर्रानी (बाबाजानी दुर्राणी) यांना आज मारहाण झाल्याची घटना दुपारी तीनच्या सुमारास घडली आहे. याप्रकरणी आमदार दुर्रानी यांच्या तक्रारीनंतर पोलीस स्थानकात गुन्हा दाखल करण्यात आला आहे.

जिल्ह्यातील पाथरी शहरातील कबरस्थान परिसर येथे आमदार दुर्रानी आपल्या समर्थकांसह उभे असताना पाथरी शहरातील मोहम्मद सईद या इसमाने दुर्रानी यांच्यासोबत वाद घालत त्यांच्या श्रीमुखात लगावली. दरम्यान, बाबजानी दुर्रानी यांच्या समर्थकांनीही हल्लेखोराला मारण्याचा प्रयत्न केला. मात्र दुर्रानी यांनी त्यांना मज्जाव केला.

हे कसं घडलं? अजित पवार, अण्णा हजारे एकाच व्यासपीठावर येणार

आमदारालाच मारहाण झाल्याने पाथरी शहरात काही काळ तणाव निर्माण झाला होता. तसंच व्यापाऱ्यांकडून पाथरी बंदची हाक देण्यात आली. मात्र आमदार दुर्रानी यांनी बंद न करण्याचे आवाहन केलं असून शांतता ठेवण्याचंही आवाहन केलं आहे.

malik vs kranti redkar: मलिक यांचा खळबळजनक दावा; क्रांती रेडकर उत्तर देत बरसल्या

आरोपी मोहम्मद बिन सईद याला पाथरी पोलिसांनी अटक केली असून आरोपीविरोधात पाथरी पोलीस ठाण्यात कलम २९४, ३२३, ५०४ आणि ५०६ अंतर्गत गुन्हा दाखल करण्यात आला आहे.

दरम्यान, आमदार दुर्रानी यांना जीवे मारण्याच्या धमक्या देणाऱ्या या आरोपीवर कठोर कारवाई करण्याची मागणी त्यांच्या समर्थकांनी केली आहे. दुर्रानी यांच्यावर झालेल्या हल्ल्याचा पाथरी शहरासह जिल्हाभरात निषेध व्यक्त केला जात आहे.