हायलाइट्स:

  • गावातील शेतात तिघा मित्रांनी केले पार्टीचे आयोजन
  • दारूच्या नशेत एका मित्राने साप भाजून खाल्ला
  • साप खाल्ल्याने अत्यवस्थ, जिल्हा रुग्णालयात केले दाखल
  • राजस्थानच्या धौलपूर परिसरात घडली घटना

धौलपूर: राजस्थानच्या ढोलपूर जिल्ह्यात एका व्यक्तीने साप भाजून खाल्ल्याची घटना घडली. साप खाल्ल्याने त्याची प्रकृती बिघडली. त्यानंतर तो बेशुद्ध पडला. जिल्ह्यातील कौलारी पोलीस ठाण्याच्या हद्दीतील पीपरी पुरा गावात हा प्रकार घडला. अतर सिंह, जोगिंदर आणि शिवराम या तिघांनी दुकान सुरू केल्यानंतर शेतात पार्टी ठेवली होती.

दुकान सुरू केल्याच्या आनंदात या तिघा मित्रांनी गावातील एका शेतात दारू पार्टीचे आयोजन केले होते. त्यानंतर या पार्टीत ते दारू प्यायले. त्याचवेळी शेतातील बिळातून साप बाहेर निघाला. दारूच्या नशेत तिघांनी साप बघितल्यानंतर त्यांनी त्याला पकडण्याचा प्रयत्न केला. मात्र, साप पुन्हा बिळात गेला. त्यानंतर तिघा मित्रांनी बिळात पाणी टाकून सापाला बाहेर काढले.

थरारक घटना! २६ वर्षीय तरुणाचे कारमधून अपहरण, एटीएममधून पैसे काढले अन्…
तीन वर्षांच्या मुलाला विष पाजून मारले; निर्दयी आईला जन्मठेपेची शिक्षा

तिघांनीही सापाला मारले. सापाला मारल्यानंतर अतर सिंह याने सापाच्या समोरील आणि मागील भाग कापून टाकला. त्यानंतर तिघा मित्रांनी सापाला भाजले. अतर सिंह याने दारूच्या नशेत साप खाल्ला. साप खाल्ल्यानंतर अतर सिंह याची प्रकृती बिघडली. त्याला तात्काळ जिल्हा रुग्णालयात दाखल करण्यात आले. अतर सिंह शुद्धीवर आल्यानंतर साप खाल्ल्याची माहिती त्याने दिली. हे ऐकून रुग्णालयातील डॉक्टर आणि कर्मचारीही हैराण झाले. अतर सिंह याने सांगितले की, तो आणि त्याचे मित्र दुकान सुरू केल्याच्या आनंदात गावातील एका शेतावर दारू पार्टी करत होते. दरम्यान अतर सिंहची प्रकृती आता स्थिर आहे, अशी माहिती डॉक्टरांनी दिली.

भयानक! २ महिलांवर सामूहिक बलात्कार, पीडितांनी सांगितली आपबीती
६३ वर्षीय समलिंगी पार्टनरची हत्या; ३१ वर्षांच्या तरुणाने सांगितले धक्कादायक कारण

Marathi News: मराठी बातम्या, Latest News in Marathi, Breaking Marathi News, Marathi News Paper | Maharashtra Times

LEAVE A REPLY

Please enter your comment!
Please enter your name here