rajasthan: धक्कादायक! गर्लफ्रेंडनं कापले बॉयफ्रेंडचे गुप्तांग; त्यानंतर म्हणाली, ‘I am Sorry’ – rajasthan crime girlfriend cuts off man penis in jaipur

जयपूर: राजस्थानची राजधानी जयपूरमध्ये एका मुलीने आपल्या प्रियकराचे गुप्तांग कापल्याची धक्कादायक घटना घडली आहे. गुप्तांग कापल्यानंतर प्रेयसी तिथून निघून गेली. मात्र, प्रियकराने विनंती केल्यानंतर ती परतली आणि वेदनेने विव्हळणाऱ्या प्रियकराला रुग्णालयात नेले. दोन दिवस रुग्णालयात उपचार घेतल्यानंतर त्याला घरी सोडण्यात आले. त्यानंतर प्रियकराने तिच्याविरोधात तक्रार दाखल केली.

मिळालेल्या माहितीनुसार, जयपूर येथील भांकरोटा पोलीस ठाण्याच्या हद्दीत ही घटना घडली. बिकानेर येथील तरूण गेल्या दोन वर्षांपासून योग प्रशिक्षण घेत आहे. योग प्रशिक्षक तरुणीची त्याच्यासोबत मैत्री झाली. सोशल मीडियाच्या माध्यमातून मैत्री झाल्यानंतर दोघे एकमेकांना भेटू लागले. पीडित तरुणाच्या माहितीनुसार, १६ नोव्हेंबरला तिने त्याला घरी जेवणासाठी बोलावले. जेवण झाल्यानंतर दोघेही तरुणाच्या घरी गेले. त्याच रात्री तरुणीने प्रियकराचे गुप्तांग कापले.

थरारक घटना! २६ वर्षीय तरुणाचे कारमधून अपहरण, एटीएममधून पैसे काढले अन्…
तीन वर्षांच्या मुलाला विष पाजून मारले; निर्दयी आईला जन्मठेपेची शिक्षा

पीडित तरुणाने पोलिसांना सांगितले की, प्रेयसीने त्याला जेवणातून विषारी औषध दिले. त्यामुळे त्याला झोप लागली आणि तो बेशुद्ध पडला. रात्री दोन वाजता तो शुद्धीवर आला. त्यावेळी कपडे फाटलेले होते. गुप्तांग कापलेले होते. वेदना होऊ लागल्याने तो विव्हळत होता. त्यावेळी त्याने आपल्या प्रेयसीला फोन केला. तेव्हा ती रडत होती. तिने त्याची माफीही मागितली. तरुणाने तिला विनंती केल्यानंतर ती पुन्हा घरी आली आणि त्याला जखमी अवस्थेत रुग्णालयात दाखल केले. तिथे प्राथमिक उपचारानंतर पुढील उपचारासाठी अन्य रुग्णालयात नेण्यात आले. रुग्णालयातून डिस्चार्ज मिळाल्यानंतर तरुणाने प्रेयसीविरोधात हत्येचा प्रयत्न केल्याची तक्रार पोलिसांत दाखल केली.

भयानक! २ महिलांवर सामूहिक बलात्कार, पीडितांनी सांगितली आपबीती
लज्जास्पद! महिला डॉक्टरवर क्वारंटाइनमध्ये असताना बलात्कार; दोन सहकारी डॉक्टरांना अटक

प्रेयसीच्या अटकेनंतरच कृत्यामागील कारण होणार उघड

घटनेनंतर आरोपी तरूणी फरार आहे. पोलीस तिचा शोध घेत आहेत. तिचा मोबाइल फोन बंद असल्याने तिचे लोकेशन ट्रेस होऊ शकलेले नाही. पीडित तरुणाच्या दाव्यानुसार, तरुणीने त्याला चुकीचे कृत्य करण्यास सांगितले होते. पण त्याने नकार दिला. त्यामुळेच तिने हे कृत्य केले असावे, असे त्याचे म्हणणे आहे. दरम्यान, तरुणीला ताब्यात घेतल्यानंतर चौकशीत खरे कारण समोर येईल, असे पोलिसांनी सांगितले.