हायलाइट्स:

  • २० गुंठे जमिनीवरून वाद विकोपाला, चुलत भावाची हत्या
  • डोंबिवलीतील मानपाडा पोलीस ठाण्याच्या हद्दीत घटना
  • चुलत भावाची हत्या केल्यानंतर दोघे जण झारखंडला फरार
  • मानपाडा पोलिसांनी एकाला झारखंडमधील गावातून केली अटक

डोंबिवली: गावी असलेल्या २० गुंठे जमिनीच्या वादातून दोन भावांनीच चुलत भावाची हत्या केल्याची खळबळजनक घटना डोंबिवलीतील गोळवली परिरात घडली. पुरनची गावी २० गुंठ्यांहून अधिक जमीन आहे. याच वादातून दोघांनी त्याच्यावर हल्ला केला होता. यात जखमी झालेल्या पुरनचा उपचारादरम्यान मृत्यू झाला.

डोंबिवलीत ही धक्कादायक घटना घडली. दोन भावांनी चुलत भावाची हत्या केल्यानंतर दोघेही आरोपी झारखंडमधील आपल्या मूळगावी पळाले. मानपाडा पोलिसांनी झारखंडमधील गावातून यातील एक आरोपी कालू महतो याला पकडले आहे. तर लालू महतो याचा शोध घेण्यात येत आहे.

धक्कादायक! गर्लफ्रेंडनं कापले बॉयफ्रेंडचे गुप्तांग; त्यानंतर म्हणाली, ‘I am Sorry’

हत्या केल्यानंतर आरोपी झारखंडमधील मूळगावी गेल्याची माहिती मिळाल्यानंतर मानपाडा पोलीस गावी गेले. आरोपींना अटक करण्यासाठी गेलेल्या पोलिसांना तेथील गावकऱ्यांनी विरोध केला. त्यांनी पोलिसांवर दगडफेक केली. मात्र, यातील एका आरोपीला पकडण्यात पोलिसांना यश आले. पोलिसांनी दिलेल्या माहितीनुसार, पुरन महतो हा झारखंडमधील रहिवासी होता. डोंबिवलीतील गोळवली परिसरात तो मजुरीचे काम करत होता. त्याचे दोघेही चुलत भाऊ हे त्याच परिसरात राहतात. गावी पुरनची २० गुंठ्याहून अधिक जमीन आहे. या जमिनीवरून त्यांच्यात वाद होता. यावरून ४ नोव्हेंबर रोजी दोघांमध्ये वाद झाला. दोघांनी पुरनवर केलेल्या हल्ल्यात तो गंभीर जखमी झाला. त्याचा रुग्णालयात उपचारादरम्यान ८ नोव्हेंबर रोजी मृत्यू झाला.

थरारक घटना! २६ वर्षीय तरुणाचे कारमधून अपहरण, एटीएममधून पैसे काढले अन्…

या घटनेची माहिती मिळाल्यानंतर पोलीस तपास सुरू झाला. मानपाडा पोलीस ठाण्याचे वरिष्ठ पोलीस निरीक्षक शेखर बागडे यांनी सहायक पोलीस निरीक्षक अविनाश वानवे यांच्या नेतृत्वाखाली एक पथक नेमले. हे पथक झारखंडमध्ये आरोपीला पकडण्यासाठी गेले. झारखंडमधील गावात आरोपीला पकडण्यासाठी गेल्यानंतर पोलिसांच्या पथकासोबत गावकऱ्यांनी वाद घातला. ज्यावेळी आरोपीला पकडण्याचे प्रयत्न केले त्यावेळी काहींनी पथकावर दगडफेक केली. मात्र, एका आरोपीला अटक करण्यात पोलिसांना यश आले. लवकरच यातील दुसऱ्या आरोपीला अटक करण्यात येईल, असे पोलिसांनी सांगितले.

Marathi News: मराठी बातम्या, Latest News in Marathi, Breaking Marathi News, Marathi News Paper | Maharashtra Times

LEAVE A REPLY

Please enter your comment!
Please enter your name here