हायलाइट्स:
- अमेरिकेचे राष्ट्राध्यक्ष बायडन ७९ वर्षांचे
- जो बायडन यांची ‘कोलोनोस्कोपी’द्वारे तपासणी होणार
- अमेरिकेत तात्पुरत्या स्वरुपात सत्ता हस्तांतरण
राष्ट्राध्यक्षांचं निवासस्थान आणि अधिकृत कार्यालय ‘व्हाईट हाऊस‘कडून ही माहिती देण्यात आलीय. व्हाईट हाऊसच्या प्रेस सचिव जेन साकी यांनी यासंदर्भात पत्रकारांना माहिती दिली. शुक्रवारी जो बायडन कमला हॅरिस यांच्याकडे आपले सगळे अधिकार तात्पुरत्या स्वरुपात सोपवतील.
जो बायडन यांच्यावर केल्या जाणाऱ्या ‘कोलोनोस्कोपी’ उपचारांत गुदद्वारातून नळी आत घालून नळी आत घालून संपूर्ण मोठ्या आतड्याची तपासणी चक्क आपल्या डोळ्यांनी करता येते. यामुळे या आतड्याला असलेला त्रास, आजार याचं निदान करता येतं. अमेरिकेचे राष्ट्राध्यक्ष शनिवारी ७९ वर्षांचे झाले आहेत. दरवर्षीप्रमाणे यावर्षीही त्यांच्यावर ‘कोलोनोस्कोपी’ केली जाणार आहे.
बायडन यांच्या उपचार करण्यासाठी डॉक्टरांकडून त्यांना भूल देण्यात येणार आहे. एनेस्थेशियाच्या प्रभावातून बाहेर पडेपर्यंत उपराष्ट्राध्यक्ष कमला हॅरिस याच राष्ट्रपतीपदाच्या जबाबदारी हाताळतील.
Chemical Castration: पाकिस्तान संसदेचा ऐतिहासिक निर्णय, बलात्काराच्या दोषींना नपुंसक बनवणार
Afghanistan Crisis: शिक्षण-रोजगारासारख्या मुलभूत हक्कांसाठी अफगाणी महिलांचा एल्गार
राष्ट्राध्यक्ष जो बायडन आणि उपराष्ट्राध्यक्ष यांच्यातील तात्पुरत्या स्वरुपातील का होईना परंतु, सत्ता हस्तांतरणाची गोष्ट यासाठी महत्त्वाची ठरतेय कारण या दोन्ही नेत्यांत नुकतंच काही कारणावरून मतभेद समोर आले होते.
हॅरिस यांच्या जवळच्या अधिकाऱ्यांनी दिलेल्या माहितीनुसार, कमला हॅरिस यांना सत्तेतून बाजुला टाकण्याचा प्रयत्न केला जात आहे. तर बायडन यांच्या टीमच्या म्हणण्यानुसार, हॅरिस अमेरिकेच्या जनतेसोबत खेळ खेळण्याचा प्रयत्न करत आहेत.
गेल्या महिन्यात बायडन यांच्या तुलनेत हॅरिस यांची अप्रुव्हल रेटिंगही खाली घसरल्याचं समोर आलं होतं. त्यामुळे, लवकरच हॅरिस यांना उपराष्ट्राध्यक्ष पदावरून हटवण्यात येऊ शकतं, अशी शक्यताही राजकीय वर्तुळातून व्यक्त करण्यात येत होती.
dawood girlfriend mehwish hayat : अंडरवर्ल्ड डॉन दाऊदची ‘गर्लफ्रेंड’ अक्षयच्या ‘सूर्यवंशी’ चित्रपटावर काय बोलली? बघा…
kulbhushan jadhav : आंतरराष्ट्रीय न्यायालयाच्या दट्ट्यामुळे पाक झुकला, कुलभूषण जाधव यांना मोठा दिलासा
Marathi News: मराठी बातम्या, Latest News in Marathi, Breaking Marathi News, Marathi News Paper | Maharashtra Times
