luxury car theft racket: अलीशान कार चोरणाऱ्या टोळीचा ‘असा’ केला पर्दाफाश, रॅकेटचे दुबई कनेक्शन – new delhi luxury cars worth crore rupees racket busted by police

नवी दिल्ली: दिल्ली पोलिसांनी अलीशान कार चोरी करून विकणाऱ्या आंतरराज्यीय टोळीचा भंडाफोड केला. पोलिसांनी शुक्रवारी ही माहिती दिली. देशाची राजधानी दिल्ली आणि शेजारच्या राज्यांतून ही टोळी अलीशान कार चोरायचे आणि देशातील इतर राज्यांत विशेषतः इशान्येकडील राज्यांत विकायचे, अशी माहिती उघड झाली आहे. या टोळीचा मुख्य सूत्रधार हा दुबईतून रॅकेट चालवत असल्याची माहिती पोलिसांनी दिली.

अबिद (वय ३०), सगोलसेम जॉन्सन सिंह (वय ३२) आणि मोहम्मद असिफ (वय ३३) अशी अटक केलेल्या आरोपींची नावे आहेत. अबिद हा ड्रायव्हर असून, तो चोरलेल्या महागड्या कार इंफाळ आणि सिलिगुडीमध्ये न्यायचा. तर सिंह हा देखील चोरलेल्या इंफाळमध्ये विकायचा. असिफ हा मेरठमधून कार चोरी करायचा. सलमान (वय ३०) यालाही पोलिसांनी अटक केली आहे. तो असिफकडून चोरलेल्या कार घ्यायचा आणि त्याचे चेसीस आणि इंजिन नंबर बदलायचा, अशी माहिती चौकशीतून समोर आली आहे.

पत्नीने केले दुसरे लग्न, पहिल्या पतीची पोलीस ठाण्यात धाव; म्हणाला, ‘माझी पत्नी मला परत मिळवून द्या’

पोलिसांनी आरोपींकडून चोरी केलेल्या २१ महागड्या कार जप्त केल्या आहेत. या चोरलेल्या वाहनांची किंमत कोट्यवधींच्या घरात आहे. मणिपूर आणि इंदूरमधून चोरीला गेलेल्या वाहनांची माहिती द्यावी, अशी सूचना पोलिसांनी परिवहन विभाग आणि विमा कंपन्यांना दिली आहे. पोलिसांनी दिलेल्या माहितीनुसार, मोहम्मद इखलाक याने ३ ऑक्टोबर रोजी पोलिसांत तक्रार दाखल केली. कृष्णा नगरमध्ये त्याने आदल्या दिवशी त्याची कार पार्क केली होती. ती चोरीला गेली होती. पोलिसांनी तपास केला असता, उत्तर प्रदेशातील अमरोहा येथील अबिदचं नाव पुढे आलं. पोलिसांनी त्याला दिल्लीच्या उत्तम नगरमधून अटक केली. त्याने गुन्ह्याची कबुली दिली. त्याने टोळीचं नावही सांगितलं. या टोळीनं १५ कार चोरी केल्याची माहिती पुढे आली आहे.

प्रेम कहाणीचा दुःखद शेवट! पत्नी आणि मुलाच्या मृत्यूनंतर मानसिक धक्का, पतीनंही संपवले आयुष्य

मिळालेल्या माहितीनुसार, अबिदने चौकशीत सांगितले की, त्याला काश्मिरी गेटवर आमिर, सफर आणि सिकंदर यांच्याकडून एक कार देण्यात आली. त्याने ती इंफाळमधील सिंह आणि विद्यासुंदर या दोघांकडे दिली. त्यांचा ‘बॉस’ आणि टोळीचा म्होरक्या सरिक सट्टा याने त्याला तसे सांगितले होते. तो दुबईहून हे रॅकेट चालवतो. पोलिसांनी असिफला मेरठमधून अटक केली. त्याने ही कार इंदूरमधील सलमानला विकली, अशी माहिती पोलिसांनी दिली. इंफाळच्या स्थानिक पोलिसांच्या मदतीने दिल्ली पोलिसांनी सिंह याला अटक केली. त्याच्याकडून इंफाळच्या परिसरातून १४ अलीशान कार जप्त करण्यात आल्या. या कार दिल्ली-एनसीआर परिसरातून चोरी केल्या होत्या. दुसऱ्या पथकाने इंदूरमधून सलमानला अटक केली आहे.

नात्याला काळिमा! नवविवाहित काकीवर जडलं प्रेम, पुतण्याने पळवून नेले