Ahmedabad: साबरमती रिव्हर फ्रंट येथे चौघे मोबाइलवर गेम खेळत होते, इतक्यात सहा जण आले अन्… – two youth attacked by six unknown people on sabarmati riverfront in ahmedabad

अहमदाबाद: शहरातील उस्मानपुरा परिसरात साबरमती रिव्हर फ्रंट येथे चौघांपैकी दोन तरूणांना सहा जणांनी मारहाण केले. त्यांच्यावर चाकूने हल्ला केल्याची घटना घडली आहे. चौघे जण साबरमती रिव्हरफ्रंट येथे बसले होते. ते मोबाइलवर गेम खेळत असताना अचानक तिथे सहा जण आले आणि त्यांनी दोघांना मारहाण करण्यास सुरुवात केली.

रुहान शेख (वय २८, राहणार मिर्झापूर) आणि त्याचा मित्र नौशाद अजमेरी (वय २६, राहणार कागडीवाड) हे दोघे या हल्ल्यात जखमी झाले आहेत. शेख याचे मिर्झापूरमध्ये कपड्यांचे दुकान आहे. तर त्यांच्यासोबत असलेले इतर दोघे जण प्रजीत पांचाल आणि परश्वा शेठ या दोघांनी जखमी अवस्थेत या दोघांना रुग्णालयात नेले.

नागपूरच्या १७ वर्षीय मुलीवर मध्य प्रदेशात बलात्कार, सोशल मीडियावरून झाली होती मैत्री
झटपट श्रीमंतीची स्वप्ने बघितली, १ कोटी रुपयांसाठी व्यापाऱ्याचे केले अपहरण अन्…
साबरमती रिव्हरफ्रंट (पश्चिम) पोलिसांत दाखल एफआयआरमध्ये नमूद केलेल्या माहितीनुसार, गुरुवारी संध्याकाळी चार मित्र साबरमती रिव्हरफ्रंट येथील एका घराच्या मागील बाजूस बसले होते. ते चौघेही मोबाइलवर गेम खेळत होते. त्याचवेळी विशी-तिशीतील सहा जण त्या ठिकाणी आले. त्यांनी शेख आणि अजमेरी यांना शिवीगाळ करण्यास सुरुवात केली. त्यांनी या दोघांना पकडले आणि मारहाण करण्यास सुरुवात केली. त्यातील एकाने आपल्याजवळील चाकू काढला आणि शेख याच्या हातावर आणि खांद्यावर वार केले. त्यानंतर त्याने अजमेरीच्या पाठीत वार केले. अजमेरी हा खाली कोसळला. त्यानंतर त्याला लाथाबुक्क्यांनीही मारहाण केली. त्यामुळे तो बेशुद्ध पडला. मोठमोठ्यात किंचाळण्याचा आवाज ऐकू आल्यानंतर स्थानिक तिथे धावून गेले. तोपर्यंत सहा जण पळून गेले होते. पाचाल आणि शेठ यांनी रुग्णवाहिका मागवली. त्यानंतर दोघांनाही रुग्णालयात नेण्यात आले.

शेख आणि अजमेरी यांना उपचारासाठी ट्रॉमा केअर सेंटरमध्ये दाखल करण्यात आले असून, दोघांचीही प्रकृती स्थिर आहे. एमआयएमने या घटनेनंतर संताप व्यक्त केला असून, आरोपींनी आधी दोघांची नावे विचारली आणि नंतर त्यांना मारहाण केली, असा आरोप केला आहे. एमआयएमकडून पोलीस महासंचालकांना तक्रार देणार असून, आरोपींविरोधात हत्येचा प्रयत्न केल्याचा गुन्हा दाखल करण्यात यावा, अशी मागणी करण्यात येणार आहे, असे प्रवक्ते अॅड. शमशाद पठाण यांनी सांगितले. याबाबत पोलिसांची प्रतिक्रया मिळू शकली नाही.

अलीशान कार चोरणाऱ्या टोळीचा ‘असा’ केला पर्दाफाश, रॅकेटचे दुबई कनेक्शन
डोंबिवली: २० गुंठे जमिनीचा वाद; दोघा भावांनीच केली चुलत भावाची केली हत्या अन्…