रत्नागिरी: महाराष्ट्रात करोना साथीच्या रुग्णांची संख्या वाढत असतानाच कोकणात करोनाची लक्षणे असलेले दोन संशयित रुग्ण आढळल्याने चिंतेचे वातावरण पसरले आहे. हे दोघे नेपाळमध्ये सहलीसाठी गेले होते. तिथून परतल्यानंतर त्यांच्यात करोनाची लक्षणे आढळून आली असून तपासणीचा अहवाल आल्यानंतरच त्यांना करोनाची लागण झालेली आहे की नाही, हे स्पष्ट होणार आहे.
नेपाळमध्ये रत्नागिरी जिल्यातील खेड तालुक्यातील लोटे येथील ५० शिक्षक सहलीला गेले होते. त्यातील दोन जणांमध्ये करोना सदृश्य आजाराची लक्षणे आढळून आली आहेत. त्यामुळे सर्वत्र खळबळ उडाली आहे. करोना संशयित रुग्णांपैकी एक महिला आहे तर एक पुरुष आहे.
खेडमधील मुंबई-गोवा महामार्गावरील कळंबणी उपजिल्हा रुग्णालयात करोना रुग्णांवरील उपचारांसाठी विशेष वॉर्ड तयार करण्यात आला असून या वॉर्डमध्ये त्यांना ठेवण्यात आले आहे. तर त्यांच्यासोबत नेपाळला जे सहलीसाठी गेले होते त्या अन्य ४८ जणांची देखील आरोग्य तपासणी करण्यासाठी जिल्हा शासकीय रुग्णालयातून एक पथक खेडकडे रवाना झाले आहे, अशी माहिती तहसीलदार प्राजक्ता घोरपडे यांनी दिली आहे.
Ratnagiri News in Marathi, रत्नागिरी न्यूज़, Latest Ratnagiri News Headlines
