new delhi crime news: ‘ती’ महिला पहाटे ५ वाजता रस्त्याने चालत जात होती, तितक्यात पाठिमागून तरूण आला अन्… – woman beaten and robbed in rajouri garden in delhi accused arrested

नवी दिल्ली: पहाटेच्या सुमारास रस्त्यावरून पायी जात असताना एका वृद्धेला मारहाण करून लुटल्याची घटना शुक्रवारी राजौरी गार्डन परिसरात घडली. पोलिसांनी या प्रकरणी आरोपी तरुणाला अटक केली आहे. या तरूणाने वृद्धेला मारहाण करून तिच्याकडील दागिने आणि रोकड लुटली होती.

पोलिसांनी दिलेल्या माहितीनुसार, शुक्रवारी पहाटे पाच वाजता वृद्ध महिला कमला नगरमधील नानकसर गुरुद्वारा परिसरात रस्त्याने पायी जात होती. रिंग रोडजवळ तिने पादचारी पूल ओलांडल्यानंतर एक विशी-पंचवीतील तरूण तिच्या पाठीमागून आला. त्याने अचानक तिच्यावर हल्ला चढवला. तिच्याकडील सोन्याच्या बांगड्या आणि पाच हजार रुपयांची रोकड लांबवली.

धक्कादायक! पत्नी गरोदर असताना घरातून बाहेर काढले, भाजप नेत्याविरोधात तक्रार
मधुबनीनंतर अररियात पत्रकारावर जीवघेणा हल्ला, भररस्त्यात गोळ्या घातल्या

महिलेला मारहाण केल्यानं ती जखमी झाली होती. तिला उपचारासाठी रुग्णालयात दाखल करण्यात आलं. या घटनेची माहिती पोलिसांना देण्यात आली. मारहाणीत तिला किरकोळ जखमा झाल्या होत्या. रुग्णालयात उपचार केल्यानंतर तिला त्याच दिवशी सोडण्यात आले, अशी माहिती पोलिसांनी दिली. या प्रकरणी आरोपी तरूणाविरोधात गुन्हा दाखल करण्यात आल्याचे पोलिसांनी सांगितले.

पोलिसांनी दिलेल्या माहितीनुसार, रविवारी राजौरी गार्डन पोलीस पथकाने पश्चिम दिल्लीतून आरोपी तरूणाला अटक केली. विकास सिंह असे आरोपीचे नाव आहे. त्याच्याकडून दागिने आणि तेराशे रुपये जप्त करण्यात आले आहेत. आरोपी तरूणाला अंमली पदार्थांचे आणि दारूचे व्यसन असल्याची माहितीही पोलिसांनी दिली.

पुणे: अल्पवयीन मुलावर मित्राने केला अनैसर्गिक अत्याचार
मुंबई: महिलेने नग्नावस्थेत निवृत्त मुख्याध्यापकांना केला व्हिडिओ कॉल, त्यानंतर…