pune robbery attempt: पुणे: वेष बदलून ती तरूणी महिलेच्या घरात घुसली, गळा आवळला; इतक्यात… – pune woman robbery attempt foiled by crime branch police team in purandar kolvihire village

म. टा. प्रतिनिधी, पुणे: पोलिसांना खबऱ्यामार्फत माहिती मिळाल्यामुळे गंभीर घटना रोखण्यात पोलिसांना यश आले आहे. पुण्यात व्यवसाय करणारी तरुणी ही पुरंदर तालुक्यातील कोळ विहीरे गावी जाऊन एका ज्येष्ठ महिलेला लुटणार असल्याचे समजले. गुन्हे शाखेच्या युनिट पाचने त्या तरुणीवर पाळत ठेऊन तिला लुटताना पकडले. तिला जेजुरी पोलिसांच्या ताब्यात देण्यात आले आहे.

गौरी (वय १९, सध्या राहणार- चंदननगर) असे अटक केलेल्या तरुणीचे नाव आहे. गौरी ही चंदननगर परिसरात मैत्रिणीसोबत राहते. ती भाजी विक्रीबरोबरच मोसमानुसार दुकान थाटते. गुन्हे शाखा युनिट सहाचे पोलीस कर्मचारी नितीन मुंढे यांना खबऱ्यांमार्फत माहिती मिळाली, की गौरी नावाची तरुणी तिच्या गावी एका ज्येष्ठ महिलेला लुटण्याच्या तयारीत आहे. ती साथीदार शोधत आहे. त्यानुसार वरिष्ठ निरीक्षक गणेश माने यांना कळविल्यानंतर तरुणीची माहिती काढण्यास सांगितले. तिच्या गावात एक ज्येष्ठ महिलेला लुटणार आहे. ती रविवारी लुटण्यासाठी जाणार असल्याची माहिती मिळाली. त्यानुसार पथक तिच्या मागावर होते. ती कोळविहीरे गावात गेली. त्यावेळी पथक ही मागे गेले. ती नेमक्या कोणाला लुटणार आहे, हे माहिती नव्हते. त्यामुळे तिचा माग काढणे सुरू होते. गावात गेल्यानंतर ती एका घरात शिरली. त्यावेळी पथक बाजूला दबा धरून बसले होते. त्यावेळी घरातून ओरडण्याचा आवाज आला. त्यामुळे पोलीस तत्काळ घरात गेले. त्यावेळी ज्येष्ठ महिलेचा गळा दाबताना ती आढळून आली. तिला ताब्यात घेऊन जेजुरी पोलिसांच्या ताब्यात दिले आहे.

‘ती’ महिला पहाटे ५ वाजता रस्त्याने चालत जात होती, तितक्यात पाठिमागून तरूण आला अन्…

ओळखू येऊ नये म्हणून पेहराव बदलला

गौरी हिने मावशीकडून काही पैसे उसने घेतले होते. पैसे परत करण्यासाठी मावशी सतत तगादा लावत होती. भाजीपाला विक्रीच्या व्यवसायातून तेवढा नफा मिळत नव्हता. त्यामुळे तिने गावी असलेल्या ज्येष्ठ महिलेला लुटण्याची योजना आखली. ती ज्येष्ठ महिला एकटीच असून तिच्या पश्चात कोणीही नाही. तिच्या अंगावर मोठ्या प्रमाणात दागिने आहेत. त्याची माहिती मिळाल्यामुळे गौरीने तिला लुटण्याचे ठरविले होते. लुटण्यासाठी जाताना कोणी ओळखू नये म्हणून तिने अंगावर काळे जॅकेट, जिन्स घातली होती. तोंडाला काळी ओढणी बांधून गॉगल घातला होता. हे दागिने चोरण्याचा तिची योजना होता. ज्येष्ठ महिलेने जास्त विरोध केला. तर जीवे मारण्याचे तिने ठरविल्याचे पोलिसांना चौकशीत सांगितले आहे. पण, पोलिसांना अगोदरच माहिती मिळाल्यामुळे हा गुन्हा टाळला.

धक्कादायक! पत्नी गरोदर असताना घरातून बाहेर काढले, भाजप नेत्याविरोधात तक्रार
मुंबई: महिलेने नग्नावस्थेत निवृत्त मुख्याध्यापकांना केला व्हिडिओ कॉल, त्यानंतर…