nashik latest news live today: महाराष्ट्र हादरला! परीक्षेत कमी मार्क्स मिळाल्याने २२ वर्षाच्या तरुणाची आत्महत्या – nashik news a 22 year old man committed suicide by getting low marks in exams

नाशिक : नैराश्यात हल्लीची तरुणाई टोकाची भूमिका घेते. अशा अनेक बातम्या आपण आल्या रोजच्या जीवनात पाहतच असतो. असाच एक धक्कादायक प्रकार नाशिकमध्ये समोर आला आहे. परीक्षेत कमी मार्क्स मिळाल्याने एका २२ वर्षाच्या तरुणाने विषारी औषध प्राशन करून आत्महत्या केल्याची घटना नाशिकमधील सिडकोत घडली आहे. याबाबत अंबड पोलीस ठाण्यात मृत्यूची नोंद करण्यात आली आहे.

राहुल भानुदास चौगुले असे आत्महत्या करणाऱ्या तरुणाचे नाव आहे. पोलिसांनी दिलेल्या माहितीनुसार, राहुल चौगुले याने मागील आठवड्यातच पोलीस भरतीची परीक्षा दिली होती. या परीक्षेचा निकाल ऑनलाइन जाहीर झाला. या परीक्षेत नापास झाल्याने राहुल याला नैराश्य आले. याच नैराश्येतून त्याने शनिवारी रात्री साडेनऊ वाजण्याच्या सुमारास विषारी औषध प्राशन केले.

साताऱ्यात राजकीय खळबळ, शशिकांत शिंदेंच्या समर्थकांनी NCP कार्यालय फोडलं, अजित पवारांचा दौराही रद्द
यानंतर राहुलला उलट्या आणि अन्य त्रास होऊ लागल्याने त्याच्या वडिलांनी त्याला खासगी रुग्णालयात उपचारासाठी दाखल केले. परंतु उपचार सुरु असताना रविवारी सकाळी त्याचा मृत्यू झाला. पुढील तपास वरिष्ठ पोलीस निरीक्षक कुमार चौधरी यांच्या मार्गदर्शनाखाली सुरू आहे.