taj mahal house: PHOTO: पती-पत्नीच्या प्रेमाची निशाणी! मध्य प्रदेशातही उभा राहिला ‘ताजमहाल’ – madhya pradesh : husband gifted taj mahal like house to his wife in burhanpur madhya pradesh

बुरहानपूर, मध्य प्रदेश : ‘प्रेम म्हणजे प्रेम असतं… तुमचं आमचं सेम असतं’, असं म्हटलं जातं. मात्र, आपल्या प्रेमाखातर ‘ताजमहाल‘ उभा करणं ही काही प्रत्येकाच्याच आवाक्यातली गोष्ट नाही. परंतु, मध्य प्रदेशातील बुरहानपूरचे रहिवासी असणाऱ्या एका पतीनं आपल्या पत्नीच्या प्रेमाखातर हेदेखील शक्य करून दाखवलंय. (आनंद प्रकाश चौकसे बुरहानपूर ताजमहाल हाऊस)

मुघल बादशहा शहाजहान यानं पत्नी मुमताजच्या प्रेमाखातर आग्र्यात उभारलेलं ‘ताजमहाल’ आज भारतातच नाही तर जगभरात प्रेमाचं प्रतिक बनलंय. याच ताजमहालची हुबेहुब प्रतिकृती सध्या मध्य प्रदेशातल्या बुरहानपूरमध्ये उभी राहिलीय. उल्लेखनीय म्हणजे, बेगम मुमताज यांचा मृत्यू बुरहानपूरमध्ये झाल्याचा उल्लेख मुघल इतिहासात आहे.

मध्य प्रदेशात ताजमहालची प्रतिकृती

२६/११ हल्ला : …ही तर दुर्बलतेची निशाणी, काँग्रेस नेत्याचा मनमोहन सरकारवर वार
Mamata Benerjee: ममता बॅनर्जी आज सोनियांच्या भेटीला? पंतप्रधान मोदींचीही घेणार भेट
चौकसे दाम्पत्याचं स्वप्न प्रत्यक्षात

मध्य प्रदेशातील शिक्षणतज्ज्ञ आणि उद्योगपती म्हणून ओळखल्या जाणाऱ्या आनंद प्रकाश चौकसे यांनी पत्नी मंजुषा हिला हुबेहुब ताजमहाल प्रमाणे दिसणारा एक घर भेट म्हणून दिलाय. हे घर सध्या देशात चर्चेचा विषय ठरलंय.

चौकसे पती पत्नी आग्र्याला ताजमहाल पाहण्यासाठी गेले असता तिथल्या वास्तुकलेनं ते ताजमहालच्या प्रेमात पडले. त्यानंतर ताजमहालच्या थ्रीडी इमेजप्रमाणे दिसणारं हे घर उभारण्याचा निर्णय चौकसे दाम्पत्यानं घेतला.

मध्य प्रदेशात ताजमहालची प्रतिकृती

ramayan express : रामायण एक्स्प्रेसच्या वेटर्सना साधू-संतांचा पोषाख! संतप्त आखाडा परिषदेचा इशारा
ramayan express : रामायण एक्स्प्रेसमधील कर्मचाऱ्यांचा ड्रेस बदलला, संतांच्या इशाऱ्यानंतर रेल्वेचा निर्णय
घर उभारण्यासाठी तीन वर्षांचा काळ

हे घर उभारण्यासाठी तब्बल तीन वर्षांचा काळ लागल्याचं घर उभारणारे इंजिनिअर प्रवीण चौकसे यांनी म्हटलंय. घर बवण्यापूर्वी इंजिनिअर्सनंही ताजमहालचा एक दौरा केला होता. तसंच त्यांनी महाराष्ट्रातील औरंगाबादमध्ये ताजमहालप्रमाणेच दिसणारं आणखी एक स्मारक असलेल्या ‘बीबी का मकबरा’ला ही भेट दिली.

मध्य प्रदेशात ताजमहालची प्रतिकृती

खऱ्याखुऱ्या ताजमहालाहून तीन पटींनी लहान असलं तरी घरात चार बेडरुम, एक किचन, ग्रंथालय आणि एक मेडिटेशन रुमची व्यवस्था करण्यात आलीय.

मीनारसहीत ९० x ९० (चौरस मीटर) क्षेत्रफळावर ताजमहालप्रमाणे दिसणारं हे घर उभं राहिलंय. बेसिक स्ट्रक्चर ६० X ६० चं आहे. घराची उंची २९ फूट आहे. घराचं फ्लोअरिंग राजस्थानच्या मकराना कारागिरांच्या सहाय्यानं बनवण्यात आलंय. घरातील नक्क्षीकाम बंगाल आणि इंदूरच्या कारागिरांनी पूर्ण केलंय तर घरातील फर्निचर सूरत आणि मुंबईच्या कामगारांनी अतिशय रेखीव पद्धतीनं तयार केलंय.

UP Crime: महाविद्यालयात ‘सेक्स रॅकेट’; तरुणीच्या आरोपानंतर शिक्षकावर गुन्हा दाखल
Madhya Pradesh: धावत्या रेल्वेसोबत व्हिडिओ काढण्यासाठी स्टंटबाजी महागात, व्हिडिओ व्हायरल