सातारा न्यूज लाईव्ह today: वडिल जेलमध्ये असतानाही लेकींनी विजय खेचून आणला, सातारा जिल्हा बँक निवडणुकीची राज्यभर चर्चा – satara district bank elections while prabhakar gharge was in jail girls won the election

सातारा : एखाद्या पिक्चरला शोभेल अशीच ही घटना आहे. राष्ट्रवादीचे माजी आमदार प्रभाकर घार्गे यांना एका कथीत घटनेमुळे पोलीसांनी ताब्यात घेतलं आणि राजकारण इथंच सुरू झालं. यावेळी संघर्ष सुरू झाला तो वडिलांच्या प्रतिष्ठेचा. जिल्हा बँक निवडणुकीत आपल्या वडीलांना म्हणजेच प्रभाकर घार्गे यांना पद्धतशिर बाजुला केलं गेलं, हे लक्षात येताच वडिलांच्या प्रतिष्ठेसाठी लढायचं आणि वडिलांना उमेदवारी द्यायची असा अट्टहास लेकीने धरला.

वडिलांना ( प्रभाकर घार्गे ) यांना निवडणुकीचा अर्ज भरायला लावला यानंतर राजकारण काय असतं हे या पोरींनी अनुभवलं. नेत्यांचे फोनवर फोन खनखनु लागले, अर्ज मागे घेण्यासाठी कधी दबाव टाकला तर कधी विनंत्या केल्या. कधी दबाव वजा अप्रत्यक्ष धमकीच मिळाली. घार्गेंना नंतर याचा त्रास होईल असं सुद्धा सांगितलं गेलं. पण मुली मात्र मागे हटल्या नाहीत. या दोघींनी सर्वांना शिंगावर घेत प्रचाराला जोरदार सुरुवात केली. यात दृष्ठीक्षेपात येवू लागला तो विजय प्रत्येक मतदाराकडे जालून मत देण्याची विनंती केली. यातून मतदारांनी दिलेली साथ पाहुन पोरींना हुरुप आलं.

‘तुम्ही बघाच, २०२४ मध्ये शिवसेना…’; असदुद्दीन ओवेसींच्या भाकितामुळे राजकारणात खळबळ
प्रभाकर घार्गे यांच्या दोन मुली प्रिती घार्गे तर छोटी प्रिया घार्गे यांनी जिल्हा बँक निवडणुकीत जीवाचं राण केल‌ं. वडिलांनी जी काही माणसं जपली त्यांना सोबत घेत प्रचाराचा धडाका लावला. यामध्ये त्यांना त्यांच्या आई इंदीरा घार्गे यांची खंबीर साथ मिळाली. त्यांनी मतदारांना भावनिक साद घातली. यामुळे प्रिती आणि प्रिया यांना वडिलांना विजय मिळवून देण्याच्या मार्ग आणखी सोपा झाला.

प्रिया घार्गे आणि प्रीती घार्गे यांनी राजकारण काय असतं हे अनुभवलं. ज्या वयात मित्र मैत्रीनींसोबत मज्जा मस्ती करायचं वय आहे, त्याच वयात राजकीय संघर्ष काय असतो, राजकीय प्रेशर कसं येतं, आपल्याच माणसांकडुन येणारी संकटं हे सगळं या दोघींनी अनुभवलं आणि यावर अगदी थंड डोक्यानं निर्णय घेत संकटांवर मात सुद्धा केली. प्रभाकर घार्गे यांच्या साथीने राजकारणात मोठे होण्याचे काम ज्या लोकांनी केलं तेच त्यांच्या विरोधात या ठिकाणी उभे राहिल्याने विजय सोप्पा नव्हता, हे या दोघींना माहिती होतं.

यामध्ये प्रभाकर घार्गे हे तब्बल ११ मतं जास्त घेऊन निवडुन आले आणि प्रिती, प्रिया या दोघींनी वडिलांची प्रतिष्ठा राखण्यासाठी केलेल्या संघर्षावर गुलाल पडला. राजकारणातील वडिलांची प्रतिष्ठा जपण्यासाठी केलेला हा संघर्ष राजकारणात येणा-या युवा पिढीला खरोखर प्रेरणा देणारा आहे.

‘तुम्ही बघाच, २०२४ मध्ये शिवसेना…’; असदुद्दीन ओवेसींच्या भाकितामुळे राजकारणात खळबळ