हायलाइट्स:
- उत्तर प्रदेशातील कुशीनगर जिल्ह्यात लज्जास्पद घटना
- विद्यार्थिनीवर गावातील तरूणाने केला अतिप्रसंगाचा प्रयत्न
- स्थानिक पोलीस ठाण्यात तक्रार केल्यानंतर कॉन्स्टेबलने हुसकावल्याचा आरोप
- पीडिता आणि तिच्या आईची थेट पोलीस अधीक्षकांकडे तक्रार
मिळालेल्या माहितीनुसार, नेबुआ नौरंगिया पोलीस ठाण्याच्या हद्दीतील एका गावात हा प्रकार घडला. विद्यार्थिनी कॉलेजला जात असताना, एका तरूणाने तिला रस्त्यात अडवले आणि तिची छेड काढण्यास सुरुवात केली. त्यानंतर चाकू दाखवून तिला धमकावू लागला. त्यामुळे विद्यार्थिनीने कॉलेजला जाणे बंद केले. १८ नोव्हेंबर रोजी संध्याकाळी मुलगी घरी एकटीच होती. त्याचवेळी गावातील तरूण तिच्या घरात घुसला आणि तिच्यावर अतिप्रसंग करण्याचा प्रयत्न केला. पीडितेने आरडाओरड केल्यानंतर आरोपी तेथून पसार झाला.
तरूणीला शेतावर डांबून ठेवून केला सामूहिक बलात्कार; निर्जन ठिकाणी फेकले
या घटनेनंतर पीडितेची आई तक्रार करण्यासाठी आरोपी तरूणाच्या घरी गेली. त्यावेळी आरोपी आणि त्याच्या कुटुंबीयांनी आरोप फेटाळले आणि त्यांना शिवीगाळ केली. विरोध केला असता त्यांना मारहाण केली. पीडितेने आपल्या आईसोबत पोलीस ठाण्यात धाव घेतली. लेखी तक्रार दिल्यानंतर तेथील तैनात पोलीस कॉन्स्टेबलने त्यांच्याबद्दल अपशब्द वापरले आणि त्यांना हाकलून लावले. पीडितेने अखेर २१ नोव्हेंबरला हेल्पलाइन क्रमांकावर तक्रार दाखल केली. त्यानंतर पीडितेला आणि तिच्या आईला पोलीस ठाण्यात बोलावून कॉन्स्टेबलने प्रकरण मिटवण्याचा प्रयत्न केला. पीडितेने प्रकरण मिटवण्यास नकार दिल्यानंतर खोट्या गुन्ह्यात त्यांना अडकवण्याची धमकी देण्यात आली. अखेर पीडिता आपल्या आईला सोबत घेऊन पोलीस अधीक्षक कार्यालयात पोहोचली. तिथे लेखी तक्रार दिली. या घटनेची गंभीर दखल घेतली असून, दोषींविरोधात कारवाई करण्यात येईल, असे कार्यालयातून सांगण्यात आले.
दहावीच्या विद्यार्थिनीवर बलात्कार; व्हिडिओ काढून पीडितेला धमकावले
Marathi News: मराठी बातम्या, Latest News in Marathi, Breaking Marathi News, Marathi News Paper | Maharashtra Times
