Nashik crime news: Nashik Bjp Leader Murdered In Satpur – BJP leader Murdered in Nashik: नाशिकमध्ये भाजप पदाधिकाऱ्याची हत्या | Maharashtra Times

नाशिक: नाशिकमध्ये हत्यांचे सत्र सुरूच आहे. नाशिकमधील भाजप पदाधिकारी अमोल इघे यांची हत्या करण्यात आली. त्यामुळे शहरात खळबळ उडाली आहे. अमोल इघे हे सातपूर भाजप मंडल अध्यक्ष होते. सातपूर परिसरातील कार्बन नाका भागात त्यांचा मृतदेह आढळून आला.

भाजप पदाधिकारी अमोल इघे यांचा मृतदेह सातपूरच्या कार्बन नाका परिसरात मृतदेह आढळून आला. आज, शुक्रवारी सकाळी सहा वाजता ही घटना उघडकीस आली. घटनेची माहिती मिळाल्यानंतर पोलीस घटनास्थळी पोहोचले. मृतदेह सिव्हिल हॉस्पिटलमध्ये विच्छेदनासाठी पाठवण्यात आला आहे. या घटनेची माहिती मिळताच भाजप कार्यकर्त्यांनी आणि नागरिकांची हॉस्पिटलमध्ये गर्दी झाली आहे. लोकप्रतिनिधी आणि आमदारही सिव्हिल हॉस्पिटलमध्ये पोहोचले. गेल्या चार दिवसांत नाशिकमध्ये तिसरी हत्या झाली आहे. त्यामुळे परिसरात प्रचंड खळबळ माजली आहे.

चिमुरड्याला काकानं जीपमधून फिरवून आणलं, गेटवर रिव्हर्स घेताना चाकाखाली सापडून दुर्दैवी मृत्यू
३ मुलींच्या हत्येच्या प्रकरणात पित्यालाच अडकवलं; १९ वर्षांनी तुरुंगातून सुटल्यानंतर डोळे पाणावले
सातपूर परिसरात भाजप मंडल अध्यक्ष अमोल इघे यांची अज्ञात कारणावरून हत्या करण्यात आली आहे. यामुळे नाशिक शहरात खळबळ उडाली असून, गेल्या चार दिवसांमध्ये तीन हत्या झाल्याने पोलिसांच्या कार्यपद्धतीवर प्रश्नचिन्ह उपस्थित होत आहे. आज सकाळी कामगार युनियनच्या कामाकरिता सकाळी सहा वाजताच्या सुमारास ते सातपूर एमआयडीसीमध्ये गेले होते. त्यावेळी तेथे अंतर्गत वाद झाले. त्या वादातून धारदार शस्त्राने अमोल इघे यांच्यावर वार करण्यात आल्याचे प्राथमिक चौकशीत समोर आले आहे. यामध्ये ते गंभीर जखमी झाले. त्यांच्या कार्यकर्त्यांनी तातडीने त्यांना शासकीय रुग्णालयात दाखल केले. मात्र तेथे उपचार सुरू असताना त्यांचा मृत्यू झाला. राजकीय वैमनस्यातून हत्या झाली असल्याचा संशय पोलिसांनी व्यक्त केला आहे. या प्रकरणी सातपूर पोलीस ठाण्यात गुन्हा दाखल करण्यात आला असून अधिक तपास सातपूर पोलीस करीत आहेत.

भयंकर! प्रेयसीच्या घरात घुसला प्रियकर, काही मिनिटांतच सर्व काही उद्ध्वस्त झालं
पत्नीच्या व्हॉट्सअॅपवर स्टेटस बघितलं, संतापलेला पती रात्री उशिरा घरी गेला अन्…