Madhya Pradesh: भयंकर घटना ! वहिनी मोबाइलवर बोलत होती; संतापलेल्या दीराने उचलले टोकाचे पाऊल – madhya pradesh news 30 year old man allegedly killed his sister in law with sickle in jabalpur

जबलपूर: मध्य प्रदेशातील जबलपूरमध्ये भयंकर घटना घडली. एका ३० वर्षीय तरूणाने वहिनीची हत्या केल्याने खळबळ उडाली आहे. वहिनी मोबाइलवर कुणाशी तरी बोलत होती. समोरील व्यक्तीचे नाव विचारल्यानंतर वहिनीने ते सांगण्यास नकार दिला. या रागातून आरोपीने धारदार शस्त्राने तिचा गळा चिरून हत्या केली. या घटनेनंतर आरोपी दीर थेट पोलीस ठाण्यात हजर झाला.

मध्य प्रदेशातील जबलपूर शहर हत्येच्या घटनेने हादरले. दीराने आपल्याच वहिनीची निर्घृण हत्या केली. मोबाइलवर ज्या व्यक्तीसोबत बोलत होती, त्या व्यक्तीचे नाव सांगण्यास नकार देणाऱ्या वहिनीची गळा चिरून हत्या करण्यात आली. हत्येनंतर आरोपी स्वतःच पोलीस ठाण्यात शस्त्र घेऊन हजर झाला. त्यानंतर ही घटना उघडकीस आली.

नराधम नातवानं १०६ वर्षीय आजीला जमिनीवर आपटलं; हाडे मोडल्याने प्रकृती गंभीर
एकाच कुटुंबातील चौघांचे मृतदेह घरात आढळले, प्रयागराज सामूहिक हत्याकांडाने हादरला

जबलपूरमधील भंतलिया मोहल्ल्यात राहणारा आरोपी राजा चक्रवर्ती हा स्वतःच पोलीस ठाण्यात हजर झाला, त्यानंतर ही धक्कादायक घटना उघडकीस आल्याचे हनुमंतल पोलिसांनी सांगितले. राजाने आपल्या भावाच्या पत्नीची गळा चिरून हत्या केली. ती मोबाइलवर कुणाशी तरी बोलत होती. ती कुणासोबत बोलतेय, त्या व्यक्तीचे नाव सांगण्यास तिने नकार दिला. याचा राग आल्याने राजाने तिच्यावर धारदार शस्त्राने हल्ला केला.

पोलिसांच्या माहितीनुसार, या घटनेनंतर पोलीस आरोपीच्या घरी पोहोचले. महिला जमिनीवर पडली होती. तिच्या गळ्यावर जखमा होत्या. घटना घडली त्यावेळी तिचा पती, मुले आणि इतर कुटुंबातील सदस्य घरी नव्हते, असे सांगितले जाते. या घटनेचा तपास करण्यात येत आहे. आरोपीची चौकशीही करण्यात येत आहे. या प्रकरणी पोलिसांनी गुन्हा दाखल केला असून, पुढील तपास सुरू आहे.

चिमुरड्याला काकानं जीपमधून फिरवून आणलं, गेटवर रिव्हर्स घेताना चाकाखाली सापडून दुर्दैवी मृत्यू
३ मुलींच्या हत्येच्या प्रकरणात पित्यालाच अडकवलं; १९ वर्षांनी तुरुंगातून सुटल्यानंतर डोळे पाणावले