नवी दिल्ली : दक्षिण आफ्रिकेत कोविड १९ चा करोना विषाणूचा एक नवा व्हेरियंट B.1.1.529 आढळल्यानंतर जगभर खळबळ उडाली. नवा व्हेरियंट समोर आल्यानंतर तज्ज्ञांकडून आंतरराष्ट्रीय स्तरावर कोविड संक्रमण तेजीनं फैलावण्याचा धोका वर्तवण्यात आलाय. नव्या व्हेरियंटमुळे कोविड लस निष्काम ठरू शकते, असा इशाराही तज्ज्ञांनी दिलाय. या नव्या व्हेरियंटचा संक्रमण दर अत्यंत वेगवान असल्यानं रुग्णांमध्ये गंभीर लक्षणं विकसित होऊ शकतात.

  • बी १.१.१.५२९ व्हेरियंटमध्ये एकूण ५० तरहचे म्युटेशन्स असल्याचं आढळून आलंय. यातील ३० प्रकारचे म्युटेशन्स केवळ ‘स्पाईक प्रोटीन’चे आहेत. बहुतांशी कोविड लशी ‘स्पाईक प्रोटीन’वर काम करतात आणि आपल्या शरीरात प्रवेश करण्यापासून त्या विषाणूला रोखतात.
  • नवा व्हेरियंट जुन्या व्हेरियंटच्या तुलनेत कितपत अधिक संक्रामक आणि घातक आहे, याविषयी शोधकर्ते अद्याप अभ्यास करत आहेत.
  • डेल्टा व्हेरियंटच्या तुलनेत नव्या व्हेरियंटच्या ‘रिसेप्टर बाईंडिंग डोमेन’मध्ये १० पद्धतीचे म्युटेशन्स आढळले. उल्लेखनीय म्हणजे, ‘डेल्टा’मध्ये केवळ दोन पद्धतीचे म्युटेशन्स आढळले होते. म्युटंटमध्ये बदल याचा अर्थ विषाणूच्या ‘जेनेटिक मटेरियल’मध्ये बदल होणं.
  • करोना विषाणू संक्रमण फैलावण्यासोबतच आपलं रुप बदलण्याच्या क्षमतेमुळे धोकादायक ठरत असल्याचं स्पष्ट झालंय. त्यामुळे, हा विषाणू नवनव्या रुपात समोर येत असल्यानं त्यावर पूर्णत: मात करणं अद्याप शक्य होऊ शकलेलं नाही.
  • बऱ्याचदा करोनाचे अनेक म्युटेशन्स स्वत:च संपुष्टात येतात. परंतु, अधिक धोकादायक ठरू शकणाऱ्या स्वरुपांवर तज्ज्ञांची नजर आहे.
  • लंडन स्थित यूसीएल जेनेटिक्स इन्स्टिट्यूटचे संचालक फ्रेंकोईस बॉलोक्स यांच्या म्हणण्यानुसार, रोगप्रतिकारक क्षमता कमी असणाऱ्या व्यक्तीच्या जुन्या संक्रमणामुळे हा नवा व्हेरियंटची निर्मिती झालेली असू शकते. कदाचित ही व्यक्ती ‘एचआयव्ही / एडस्’चा रुग्ण असू शकेल, असंही त्यांचं म्हणणं आहे.
  • हाँगकाँगमध्येही या व्हेरियंटचे दोन रुग्ण आढळून आले आहेत. इथे, दक्षिण आफ्रिकेच्या काही भागांतून आलेल्या प्रवाशांना वेगवेगळ्या रुममध्ये क्वारंटीन ठेवण्यात आलंय.
  • जागतिक आरोग्य संघटनेनं शुक्रवारी नव्या व्हेरियंटच्या मुद्यावर चर्चा करण्यासाठी एका आपात्कालीन बैठकीचं आयोजन केलंय.
  • ब्रिटिश सरकारनं केलेल्या घोषणेनुसार, देशात शुक्रारी दुपारी १२.०० वाजल्यापासून आणि इतर आफ्रिकी देशांतून उड्डाणांना बंदी घालण्यात आलीय. या देशांतून दाखल झालेल्या प्रवाशांना कोविड चाचण्या करण्याचेही निर्देश देण्यात आलेत.
  • भारतानंही गुरुवारी या दक्षिण आफ्रिकन देशांच्या प्रवाशांच्या स्क्रिनिंग करण्याचं आवाहन केलंय.

Marathi News: मराठी बातम्या, Latest News in Marathi, Breaking Marathi News, Marathi News Paper | Maharashtra Times

LEAVE A REPLY

Please enter your comment!
Please enter your name here