madhya pradesh: बलात्कारपीडित १५ वर्षीय मुलीनं बाळाला दिला जन्म; ४० दिवसांनंतर बाळाचा गळा आवळून केला खून – madhya pradesh 15 year old rape victim killing her 40 days old baby in damoh

दमोह: मध्य प्रदेशातील दमोह जिल्ह्यात धक्कादायक घटना घडली आहे. बलात्कारपीडित १५ वर्षीय मुलगी गरोदर राहिली होती. बाळाला जन्म दिल्यानंतर ४० दिवसांनी त्याची गळा आवळून हत्या केल्याचा आरोप अल्पवयीन मातेवर आहे. याबाबत पोलिसांनी गुरुवारी ही माहिती दिली. यातून आपली बदनामी होत असल्याची भावना तिच्या मनात निर्माण झाली होती. मुलाच्या जन्मानंतर काही दिवसांपासून ती त्रस्त होती. यातून तिने हे टोकाचे पाऊल उचलले, असे पोलिसांकडून सांगण्यात आले.

मीडिया रिपोर्ट्सनुसार, अल्पवयीन मुलीचे गावातच राहणाऱ्या एका १७ वर्षांच्या मुलासोबत प्रेमसंबंध होते. फेब्रुवारीत या मुलाने तिच्यावर अत्याचार केले. ऑगस्टमध्ये अचानक मुलीचे पोट दुखू लागले. तिने ही बाब घरातील सदस्यांना सांगितली. त्यानंतर या मुलीला डॉक्टरकडे नेण्यात आले. ती गरोदर असल्याचे डॉक्टरांनी तिच्या कुटुंबीयांना सांगितले. हे ऐकून कुटुंबीयांना धक्का बसला. त्यावेळी तिच्यावर अत्याचार झाल्याचे उघड झाले. मुलीनेही सर्व घडलेला प्रकार आपल्या कुटुंबीयांना सांगितला. त्यानंतर पीडितेच्या कुटुंबीयांनी मुलाविरोधात पोलीस ठाण्यात तक्रार दाखल केली.

भयंकर घटना ! वहिनी मोबाइलवर बोलत होती; संतापलेल्या दीराने उचलले टोकाचे पाऊल
नराधम नातवानं १०६ वर्षीय आजीला जमिनीवर आपटलं; हाडे मोडल्याने प्रकृती गंभीर

या प्रकरणाचा पोलिसांनी तपास सुरू केला. अल्पवयीन आरोपीविरोधात पॉक्सो अॅक्ट अंतर्गत कारवाई करून त्याला ताब्यात घेतले होते. त्यानंतर मुलाची रवानगी बालसुधारगृहात करण्यात आली होती. मिळालेल्या माहितीनुसार, १६ ऑक्टोबर रोजी पीडित मुलीने बाळाला जन्म दिला होता. ५ नोव्हेंबरला डॉक्टरांनी मुलीला आणि तिच्या बाळाला रुग्णालयातून सोडले होते. त्यानंतर पाच दिवसांनी मुलगी एका स्थानिक आरोग्य केंद्रात गेली होती. आपलं बाळ आजारी असल्याचे तिने डॉक्टरांना सांगितले होते.

चिमुरड्याला काकानं जीपमधून फिरवून आणलं, गेटवर रिव्हर्स घेताना चाकाखाली सापडून दुर्दैवी मृत्यू
BJP leader Murdered in Nashik: नाशिकमध्ये भाजप पदाधिकाऱ्याची हत्या

डॉक्टरांनी बाळाला तपासले आणि त्याला मृत घोषित केले होते. शवविच्छेदन अहवालात धक्कादायक माहिती समोर आली. श्वास कोंडून बाळाचा मृत्यू झाल्याचे स्पष्ट झाले. बाळाची गळा आवळून हत्या झाल्याचे स्पष्ट झाले होते. पोलिसांनी सांगितले की, अल्पवयीन मुलीने बाळाची हत्या केल्याची कबुली दिली आहे. प्राथमिक चौकशीनंतर तिच्याविरोधात हत्येचा गुन्हा दाखल करण्यात आला आहे. या प्रकरणात पुढील कायदेशीर कारवाई करण्यात येत आहे, असेही पोलिसांकडून सांगण्यात आले.