हायलाइट्स:
- केस कापण्यास नकार दिला म्हणून सलून चालकाची हत्या
- उत्तर प्रदेशातील बुलंदशहर येथील धक्कादायक घटना
- परवाना असलेल्या रायफलमधून झाडल्या गोळ्या
- मुख्य आरोपीला केली अटक, तीन भाऊ फरार
मिळालेल्या माहितीनुसार, या खळबळ उडवून देणाऱ्या घटनेचा व्हिडिओ सोशल मीडियावर व्हायरल झाला. इरफानच्या घरातून एक महिला धावत बाहेर पडत आहे. घरातून गोळीबाराचा जोरजोरात आवाज येत होता. तुम्ही गोळ्या घालू नका, अशी विनवणी शेजारी आरोपींकडे करत होते. मुख्य प्रवेशद्वाराजवळ चार भावंडांपैकी दोघे जण गोळीबार करत असताना या व्हिडिओत दिसत होते. तर दोघे भाऊ हे घराच्या टेरेसवर उभे असल्याचे या व्हिडिओत दिसते.
बलात्कारपीडित १५ वर्षीय मुलीनं बाळाला दिला जन्म; ४० दिवसांनंतर बाळाचा गळा आवळून केला खून
भयंकर घटना ! वहिनी मोबाइलवर बोलत होती; संतापलेल्या दीराने उचलले टोकाचे पाऊल
या घटनेने परिसर हादरून गेला. घटना घडली त्यावेळी घराजवळच राहणाऱ्यांपैकी कुणीही आपल्या घराबाहेर आला नाही. जोपर्यंत पोलीस आले नाहीत, तोपर्यंत कुणाचीही घराबाहेर येण्याची हिंमत होऊ शकली नाही, इतकी दहशत पसरली होती, अशी माहिती एका प्रत्यक्षदर्शीने नाव न प्रसिद्ध करण्याच्या अटीवर सांगितले.
अगौता पोलीस ठाण्याचे प्रभारी अमर सिंह यांनी सांगितले की, चार आरोपींनी सुरुवातीला इरफानवर गोळ्या झाडल्या. यात गंभीर जखमी झालेल्या इरफानचा जागीच मृत्यू झाला. तर त्याचा चुलत भाऊ इम्रान हा जखमी झाला आहे. त्याच्या पायावर गोळ्या लागल्या आहेत. त्याला तात्काळ रुग्णालयात दाखल केले असून, त्याच्यावर उपचार सुरू आहेत. त्याची प्रकृती धोक्याच्या बाहेर आहे, असे पोलिसांनी सांगितले.
‘आम्ही चारही भावंडांविरोधात गुन्हा दाखल केला आहे. मोहम्मद समीर, मोहम्मद शाकिब, मोहम्मद शाहीद अशी आरोपींची नावे आहेत, एकाचे नाव समजू शकलेले नाही, अशी माहिती पोलिसांनी दिली. एफआयआरमध्ये चौथ्या आरोपीचे नाव नसल्याने त्याचे नाव समजू शकलेले नाही. चौथ्या आरोपीची ओळख पटवण्याचे काम सुरू आहे, असेही पोलिसांनी सांगितले. बुलंदशहरचे वरिष्ठ पोलीस अधीक्षक संतोष सिंह यांनी सांगितले की, इरफान आणि त्याचे कुटुंबीय गावात सलूनचे दुकान चालवतं. ते गावातील लोकांच्या घरी जाऊन केस कापण्याचे काम करतात. चौघा भावंडांनी इरफानला केस कापण्यासाठी घरी बोलावले होते. मात्र, इरफानने नकार दिला. मागील राहिलेली उधारी आधी द्यावी, असे त्याने सांगितले. त्यानंतर रागाच्या भरात समीरने त्याच्याकडील रायफलने इरफान आणि त्याचा भाऊ इम्रानवर गोळ्या झाडल्या. दरम्यान, या प्रकरणी गुन्हा दाखल करण्यात आला असून, समीरला पोलिसांनी अटक केली आहे. त्याचे तीन भाऊ फरार आहेत. या प्रकरणाचा पुढील तपास सुरू आहे.
नराधम नातवानं १०६ वर्षीय आजीला जमिनीवर आपटलं; हाडे मोडल्याने प्रकृती गंभीर
चिमुरड्याला काकानं जीपमधून फिरवून आणलं, गेटवर रिव्हर्स घेताना चाकाखाली सापडून दुर्दैवी मृत्यू
Marathi News: मराठी बातम्या, Latest News in Marathi, Breaking Marathi News, Marathi News Paper | Maharashtra Times
