सोलापुरात चोरट्यांची हिम्मत पाहा, थेट पोलीस निरीक्षकाच्याच घरी केली चोरी – thieves directly challenge police in solapur police inspectors house robbery

सोलापूर : विजापूर रोड परिसरातील सवेरा नगरात रहात असलेल्या पोलीस निरीक्षकाचे घर फोडून चोरट्यांनी ७० हजाराचे सोन्याचे दागिने आणि २ लाख ३० हजाराच्या रोकडसह ३ लाखाचा ऐवज लंपास केला. ही घटना शुक्रवार २६ नोव्हेंबर रोजी घडली. मात्र, शहर पोलिसांची नाचक्की होईल म्हणून गुन्ह्याची माहिती देण्यात येत नव्हती.

विकमसिंह देवेंद्र गिड्ढे वय ३५, रा. १०१. सवेरा नगर, सैफुल विजापूर रोड सोलापूर यांनी फिर्याद दिली आहे. या फिर्यादीवरून मिळालेली माहिती अशी की, सोलापूर शहर पोलीस आयुक्तालयात नुकतेच पोलीस निरीक्षक म्हणून बदलून राघवेंद्रसिंह क्षिरसागर यांची आयुक्तालयातील विशेष शाखेत पोलीस निरीक्षक म्हणून नियुक्ती झाली आहे. बदलीहून आल्यानंतर त्यांनी विक्रमसिंह गिड्ढे या त्यांच्या भाच्याच्या घरात राहात होते.

धक्कादायक! बिस्कीटच्या बहाण्याने ४ वर्षीय चिमुरडीवर तिच्याच नातेवाईकाकडून अत्याचार
दरम्यान, विक्रमसिंह याच्या मावस भावाच्या लग्नासाठी पोलीस निरीक्षक राघवेंद्र सिंह क्षिरसागर, त्यांची पत्नी आणि मुलासह विजापूरला गेले होते. याचाच फायदा घेवून चोरट्याने बंद घराचा कडी- कोयंडा आणि कुलूप तोडून घरातील दोन लाखाच्या रोकडसह ३ लाखांचा ऐवज लंपास केला आहे. घरातील २ लाख ३० हजाराची रोकड आणि ७० हजाराचे सोन्याचे दागिने असा एकूण ३ लाखाचा ऐवज कपाटातून चोरून नेला आहे. याबाबत विजापूर नाका पोलीस ठाण्यात गुन्ह्याची नोंद झाली असून पुढील तपास पोलीस हवालदार म्हेत्रे करीत आहेत.

सोलापूर शहर परिसरात गेल्या महिनाभरापासून चोऱ्यांच्या प्रमाणात मोठी वाढ झालेली आहे.चोरट्यांनी नागरीकांची घरं, दुकान फोडणे, चेनस्नॅचिंग,घरातील मोबाईल चोरणे अशा घटनांत नागरिकांना हैराण करुन सोडले आहे. त्यातच मागील आठवण्यात एका महिला पोलीसाची मोपेड चोरट्यांनी चोरून नेली. त्यानंतर आता थेट पोलीस निरीक्षकाच्या घरातच डल्ला मारून चोरट्यांनी आता पोलीसांना थेट आव्हान दिले आहे. मात्र, शहर पोलिसांनी गेल्या महिनाभरात एकही चोरीची उघडकीस आणली नाही याचे सर्वसामान्यांमध्ये आश्चर्य व्यक्त होत आहे.

निलंबनाची ऑर्डर पाहताच एसटी कर्मचाऱ्याची प्रकृती खालावली, राज्यात आंदोलन पुन्हा चिघळलं