omicron: जगभरात तेजीनं Omicron फैलावण्याचा धोका, WHO कडून ‘हाय रिस्क’ जाहीर – omicron poses very high global risk countries must prepare who

जेनेव्हा, स्वित्झरलँड : जागतिक आरोग्य संघटनेकडून (WHO) दक्षिण आफ्रिकेत सापडलेल्या करोनाच्या नव्या व्हेरियंट ‘ओमिक्रॉन’ (ओमिक्रॉन) बद्दल धोक्याचा इशारा जाहीर करण्यात आलाय. जागतिक आरोग्य संघटनेच्या म्हणण्यानुसार, ओमिक्रोन हा अधिक धोकादायक (Very High Risk) ठरू शकतो. अगदी काही दिवसांतच ओमिक्रॉन जगभरात हातपाय पसरू शकतो, अशीही शक्यता जागतिक आरोग्य संघटनेकडून व्यक्त करण्यात आलीय. काही भागांत याचे गंभीर परिणाम समोर येऊ शककतात.

जागतिक आरोग्य संघटनेकडून जारी करण्यात आलेल्या ‘टेक्निकल नोट’मध्ये याचा उल्लेख करण्यात आला आहे. ओमिक्रोनच्या रुग्णांत एकाएकी अधिक वाढ झाली तर याचे अधिक गंभीर परिणाम समोर येऊ शकतात. उल्लेखनीय म्हणजे, अद्याप ‘ओमिक्रॉन’च्या एकाही रुग्णाचा मृत्यू झाल्याची नोंद नाही.

जागतिक आरोग्य संघटनेकडून देण्यात आलेल्या माहितीनुसार, कोविड विषाणूचा एका नवा स्ट्रेन / व्हेरियंट B.1.1.529 हा विषाणू सर्वात अगोदर दक्षिण आफ्रिकेत आढळून आला. करोनाच्या या व्हेरियंटचं नामकरण ‘ओमिक्रॉन’ असं करण्यात आलंय. या व्हेरियंटला कोविडच्या इतर व्हेरियंटहून (अल्फा, बीटा, गामा) अधिक चिंताजनक श्रेणीत (Most Troubling Category) ठेवण्यात आलंय.

Covid19: दक्षिण आफ्रिकेतल्या नव्या स्ट्रेनची जगात धास्ती; WHOची आपात्कालीन बैठक
Omicron ची लक्षणे काय आहेत? दक्षिण आफ्रिकेच्या डॉक्टरने सांगितले…
omicron virus : करोनाच्या नव्या वेरियंटसमोर लस आणि बूस्टर डोस… सगळं फेल! WHO कडून चिंता व्यक्त
या देशांत आढळून आला ‘ओमिक्रॉन’

दरम्यान, ओमिक्रॉनमुळे जगभरात पुन्हा एकदा दहशतीचं वातावरण निर्माण झालंय. केंद्रीय आरोग्य मंत्रालयानं दिलेल्या माहितीनुसार, जगभरात ‘ओमिक्रॉन’चे जवळपास १६० रुग्ण आढळून आले आहेत. युरोपच्या अनेक देशांत ओमिक्रॉनचं अस्तित्व दिसून आलंय. आरोग्य मंत्रालयाच्या उच्च पातळीवरील सूत्रांनी दिलेल्या माहितीनुसार, दक्षिण आफ्रिका, नेदरलँड, बोत्सवाना, यूके, ऑस्ट्रेलिया, डेन्मार्क, इस्रायल, बेल्जियम, झेक प्रजासत्ताक, इटली, जर्मनी आणि हाँगकाँग या देशांत ‘ओमिक्रॉन’ आढळून आला आहे.

दक्षिण आफ्रिकेत ओमिक्रॉनचे सर्वाधिक ९९ रुग्ण आढळले आहेत. त्यानंतर हाँगकाँगमध्ये २५, नेदरलँडमध्ये १३, बोत्सवानामध्ये सहा आणि ब्रिटनमध्ये तीन रुग्ण आढळले आहेत. ऑस्ट्रेलिया, डेन्मार्क आणि बेल्जियममध्ये प्रत्येकी दोन तर इस्रायल, झेक प्रजासत्ताक, इटली आणि जर्मनीमध्ये प्रत्येकी एक रुग्ण आढळून आला आहे. सध्या भारतात ‘ओमिक्रॉन’बाधित एकही रुग्ण समोर आलेला नाही.

ओमिक्रॉनच्या फैलावापासून वाचण्यासाठी अनेक देशांनी सावधानतेचा उपाय म्हणून उड्डाणांवर बंदी सारखे अपाय अंमलात आणले आहेत. या व्हेरियंटच्या फैलावाच्या बातमीनंतर स्टॉक मार्केट तेजीनं खाली घसरलेला दिसून येतोय.

PNB Scam: पळपुटा मेहुल चोक्सी भेदरलेल्या अवस्थेत, सतावतोय ‘हा’ धोका
Pakistan: ‘देश चालवण्यासाठी पैसे नाहीत’, पाकिस्तान पंतप्रधानांनी देशवासियांसमोर टेकले हात!