अमरावती सिटी न्यूज लाईव्ह: धक्कादायक! १० महिन्याची चिमुकली पित होती मृत आईचं दूध अन्…, काळजाचा ठोका चुकावणारी घटना – amravati news 10 month old girl dead mother was drinking milk

अमरावती : अमरावती येथील कृषी महाविद्यालयाच्या परिसरात सोमवारी नागपूर जिल्ह्यातील तनुश्री करलुके या ३२ वर्षीय विवाहित महिलेचा मृतदेह आढळला तर या मृतदेहाजवळ १० महिन्याची चिमुकली व एक ४ वर्षीय मुलगा जिवंत दिसून आला. या घटनेमुळे संपूर्ण परिसरात खळबळ उडाली असून पोलीस तपास सुरू असल्याची माहिती आहे.

मिळालेल्या माहितीनुसार, मृत आईच्या छातीला टेकून भुकेने व्याकूळ झालेली चिमुकली रडत होती. रात्रभरापासून १० महिन्याचं बाळ थंडीत आई शेजारी मृतदेहाजवळ पडून होते. त्यामुळे पोलिसांनी अमरावती येथील सामाजिक कार्यकर्ते गुंजन गोळे यांना माहिती दिली. त्यामुळे लागलीच चिमुकल्या बाळाला गुंजन गोळे यांनी स्वतःच्या छातीजवळ घेत आपले दूध पाजले व बाळाची भूक भागवली.

‘दीड फूट उंची असणाऱ्या पोपटाचा जन्मच शिमग्याला झालेला’; निलेश राणेंवर मेहबूब शेख यांची जहरी टीका
बाळाची भूक भागवल्यानंतर हे बाळ शांत झाले. त्यानंतर कालपासून तब्बल २४ तास गुंजन गोळे या महिलेने दोन्ही बाळाचा सांभाळ करत आईची भूमिका पार पाडली तर आज दुपारी मृत महिलेचे नातेवाईक आल्यानंतर त्या दोन्ही बाळाला नातेवाईकांच्या स्वाधीन केले गुंजन गोळे यांनी सामाजिक भान दाखवत माणुसकीचा परिचय करून दिला.

Weather Alert : राज्यावर पुन्हा आस्मानी संकट; थंडी गायब, ‘या’ जिल्ह्यांना पावसाचा इशारा