हायलाइट्स:

  • मुख्यमंत्री उद्धव ठाकरेंना रुग्णालयातून डिस्चार्ज
  • चाचण्यांच्या अहवालानंतर गुरुवारी सकाळी रुग्णालयातून सोडले
  • आदित्य ठाकरेंसह उद्धव ठाकरे हे वर्षा निवासस्थानी पोहोचले
  • पुढील काही दिवस घरून काम करण्याचा मुख्यमंत्र्यांना डॉक्टरांचा सल्ला

मुंबई: राज्याचे मुख्यमंत्री उद्धव ठाकरे (CM Uddhav Thackera) यांना गुरुवारी सकाळी रुग्णालयातून सोडण्यात आले आहे. मानेच्या दुखण्याच्या त्रासानंतर मुख्यमंत्री ठाकरे यांना मुंबईतील एच. एन. रिलायन्स रुग्णालयात दाखल करण्यात आले होते. २२ नोव्हेंबर रोजी त्यांच्या मणक्यावर शस्त्रक्रिया करण्यात आली होती. उद्धव ठाकरे यांना आज रुग्णालयातून सोडण्यात आले. त्यांचे सुपुत्र आदित्य ठाकरे यांच्यासह ते वर्षा या सरकारी निवासस्थानी पोहोचले.

मुख्यमंत्री उद्धव ठाकरे यांना आज, गुरुवारी सकाळी सर एच. एन. रुग्णालयातून डिस्चार्ज देण्यात आला आहे, अशी माहिती रुग्णालयाचे डॉक्टर अजित देसाई यांनी आज अधिकृतरित्या दिली. पुढील काही दिवस मुख्यमंत्र्यांना घरूनच काम करण्याचा सल्ला डॉक्टरांनी दिला आहे.

मुख्यमंत्री उद्धव ठाकरेंवरील शस्त्रक्रिया यशस्वी; डॉक्टरांनी दिली माहिती

मानदुखीचा त्रास वाढल्याने उद्धव ठाकरे यांना मुंबईतील एच. एन. रुग्णालयात दाखल करण्यात आले होते. त्यांच्यावर २२ नोव्हेंबर रोजी शस्त्रक्रिया करण्यात आली होती. रुग्णालयातील डॉ. अजित देसाई आणि डॉ. शेखर यांनी त्यांच्या मणक्यावर शस्त्रक्रिया केली होती. चाचण्यांचा अहवाल सकाळी आल्यानंतर ठाकरे यांना रुग्णालयातून सोडण्यात आले. उद्धव ठाकरे यांच्यासह त्यांचे सुपुत्र आदित्य ठाकरे देखील होते. त्यांच्यासह ते वर्षा या सरकारी निवासस्थानी रवाना झाले.

काही दिवसांपासून ठाकरे यांना मान आणि मणक्याचा त्रास होत होता. हा त्रास जास्तच वाढल्याने त्यांनी सार्वजनिक कार्यक्रमांना उपस्थित राहण्याचे टाळले होते. उद्धव ठाकरेंच्या मणक्यावरील शस्त्रक्रियेनंतर मुख्यमंत्री कार्यालयाने एक निवेदन जारी करून त्यांची प्रकृती स्थिर असल्याचे सांगितले होते. शस्त्रक्रियेनंतरही रुग्णालयातून उद्धव ठाकरे यांनी कामाचा धडाका लावला होता. राज्य मंत्रिमंडळ बैठका आणि ओमायक्रॉनच्या पार्श्वभूमीवर होणाऱ्या बैठकांना त्यांनी व्हिडिओ कॉन्फरन्सिंगद्वारे उपस्थिती दाखवली होती. कोविडच्या धोकादायक नवीन विषाणूला रोखण्यासाठी आवश्यक ते सर्व करा, अशा सूचना त्यांनी यंत्रणांना दिल्या होत्या.

भाजपचे मुंबई प्रेम बेगडी; ‘त्या’ टीकेला संजय राऊत यांचे जोरदार प्रत्युत्तर

LEAVE A REPLY

Please enter your comment!
Please enter your name here