अखेर ठरलं! शिर्डीत सर्वच पक्षातील नेत्यांनी निवडणुकीबाबत घेतला मोठा निर्णय – shirdi, leaders of all parties took a big decision regarding the election

अहमदनगर : राज्यातील नगरपंचायत निवडणूक कार्यक्रमाची घोषणा झाली असून २१ डिसेंबर रोजी मतदान प्रकिया पार पडणार आहे. या निवडणुकीसाठी १ डिसेंबरपासून उमेदवारी अर्ज भरण्यास सुरूवात झाली आहे. मात्र असं असताना शिर्डीकरांनी नगरपंचायत निवडणुकीवर बहिष्कार टाकण्याचा निर्णय घेतला आहे. सर्वपक्षीय बैठकीत हा निर्णय घेण्यात आला असून भाजपसह काँग्रेस, राष्ट्रवादी, शिवसेना, मनसे यांनीही या निर्णयास पाठिंबा दिला आहे. (Ahmednagar News)

गेल्या दोन दिवसात एकही उमेदवारी अर्ज दाखल न झाल्याने मोठा पेच निर्माण झाला आहे. शिर्डी शहराची लोखसंख्या ३६ हजारांहून अधिक असून वाढलेली लोकसंख्या पाहता नगरपंचायतीच्या ऐवजी नगरपरिषद किंवा नगरपालिका व्हावी, अशी मागणी शिर्डीकरांची आहे. दोन वर्षांपूर्वी उच्च न्यायालयाने राज्य शासनाला तसे निर्देश देखील दिले होते. मात्र अद्याप त्यावर सरकारने निर्णय घेतला नाही.

Param Bir Singh Suspended: मोठा धक्का! मुंबईचे माजी पोलिस आयुक्त परमबीर सिंह अखेर निलंबित; सूत्रांची माहिती

याचिकाकर्ते शिवाजी गोंदकर यांनी न्यायालयात अवमान याचिका दाखल केली आहे. ७ डिसेंबर रोजी त्या याचिकेवर औरंगाबाद उच्च न्यायालयात सुनावणी असून त्याआधीच नगरपंचायतीच्या सार्वत्रिक निवडणुका जाहीर झाल्याने निवडणुकीवर बहिष्कार टाकण्याचा निर्णय सर्वपक्षीय नेत्यांनी घेतला आहे.

Omicron Variant In India मोठी बातमी: ओमिक्रॉनने भारतात शिरकाव केलाच; ‘या’ राज्यात आढळले दोन रुग्ण

स्वच्छतेचे पुरस्कार पटकावून राज्यभरात नावलौकिक मिळवणारी शिर्डी नगरपंचायत आता निवडणुकीवरील बहिष्काराच्या मुद्यामुळे चर्चेत आली आहे. त्यामुळे आता राज्य‌ सरकार ७ डिसेंबरच्या सुनावणीत कोर्टात काय भूमिका घेणार आणि हा पेच कसा सुटणार हे बघणं महत्वाचं ठरणार आहे.