औरंगाबाद : आगामी नगरपालिका आणि नगरपंचायत निवडणुकीच्या पार्श्वभूमीवर आज औरंगाबादमध्ये भाजपची मराठवाडा विभागीय आढावा बैठक होत आहे. विरोधी पक्षनेते देवेंद्र फडणवीस, भाजपचे प्रदेशाध्यक्ष चंद्रकांत पाटील, केंद्रीय अर्थ राज्यमंत्री डॉक्टर भागवत कराड, गिरीश महाजन यांच्या उपस्थितीत औरंगाबाद येथील जीम खाना येथे मराठवाडास्तरीय विभागीय आढावा बैठक सुरू झालीय.
राज्यातील ३२ जिल्ह्यांतील १०५ नगरपंचायतींसाठी २१ डिसेंबर रोजी निवडणूक होत आहे. त्यामुळे सर्वच राजकीय पक्ष कामाला लागली आहेत. तर आगामी नगरपंचायतच्या निवडणूका लक्षात घेत भाजपकडून सुद्धा तयारी सुरू झाली असून, भाजपचे महत्वाचे नेते कामाला लागले आहेत. याच पार्श्वभूमीवर फडणवीस यांच्या नेतृत्वाखाली आज औरंगाबादमध्ये पक्षाची आढावा बैठक घेतली जात आहे. औरंगाबादकरांनो, ऐकलंत का! करोनाचं टेन्शन सोडा, जिल्ह्यातून आली दिलासादायक बातमी या आढावा बैठकीत मराठवाड्यातील आठही जिल्ह्याचा आढावा घेतला जात आहे. त्यासाठी प्रत्येक जिल्हावार प्रमुख पदाधिकारी आणि नेत्यांबरोबर चर्चा केली जात आहे. नगरपालिका आणि नगर पंचायत निवडणुकीत काय चित्र असेल, त्यासाठी काय करावं लागेल यावर चर्चा होत असल्याचे सांगितले जात आहे. तसेच आगामी निवडणुकीच्या दृष्टीने काय रणनीती असेल हे सुद्धा ठरवले जाणार आहे.
औरंगाबादकरांनो, ऐकलंत का! करोनाचं टेन्शन सोडा, जिल्ह्यातून आली दिलासादायक बातमी
बापरे! २ हजारांसाठी थेट अंगावर घातली कार, चाकाखाली चिरडून तरुणाचा मृत्यू
