ओमानमध्ये राहणाऱ्या एका भारतीय प्रवाशाला शुक्रवारी रात्री ड्रॉमध्ये तब्बल एक कोटी दीरहाम (अमिरात चलन) म्हणजेच जवळपास २० कोटींची लॉटरी लागलीय. या भारतीयाचं नाव रंजीत वेणुगोपालन उन्नीथन असं आहे. ४२ वर्षीय रंजीत मूळ केरळच्या कोल्लम जिल्ह्याचा रहिवासी आहे.
हा ड्रॉ जिंकल्यानंतर रंजीत यंदाच्या वर्षातील शेवटचा ‘बिग तिकीट अबूधाबी‘ करोडपती बनलाय. दुसऱ्या प्रयत्नात तो यशस्वी ठरलाय. तिकीट क्रमांक ०५२७०६ वर त्याला हा जॅकपॉट लागलाय.
मी गेल्या १२ वर्षांपासून ओमानमध्ये राहत आहे. मी पहिलं बिग तिकीट दोन वर्षांपूर्वी खरेदी केलं होतं. मला तारीख लक्षात नाही परंतु, ते तिकीट केवळ खातं उघडण्यासाठी मी खरेदी केलं होतं. मी आणि माझ्या काही मित्रांनी ते तिकीट खरेदी करण्यासाठी पैसे जमा केले हते. परंतु, आमच्या नशिबानं आमची साथ दिली नाही त्यामुळे ही यात सहभागी होणं बंद केलं होतं, असा अनुभव रंजीतनं मीडियाशी बोलताना शेअर केला.
Omicron चा विळखा घट्ट; पाच वर्षांहून कमी वयाच्या रुग्णसंख्येत वाढ
Covid19: तब्बल दोन वर्षांत… ‘या’ बेटावर आढळला पहिलाच करोनाबाधित रुग्ण!
यंदा मात्र रंजीतचं भाग्य उजळलं. आपण जिंकलेली रक्कम आपल्या पाच मित्रांसोबत शेअर करणार असल्याचंही रंजीतनं म्हटलंय. तिकीट खरेदीसाठी याच मित्रांनी योगदान दिल्याची आठवण रंजीतला कायम आहे. रंजीत विवाहीत असून त्याला एक पाच वर्षांची मुलगी आहे.
उल्लेखनीय म्हणजे, यंदाच्या ‘बिग तिकीट अबू धाबी‘मध्ये अनेक भारतीयांचं नशीब उजळलंय. याअगोदर ऑक्टोबर महिन्यात ‘बिग तिकीट अबूधाबी’ सीरिजच्या २३२ व्या ड्रॉमध्ये भारतीय नागरिक नहील निजामुद्दीन यानं एक कोटी दीरहाम म्हणजेच २० कोटी रुपयांहूनही अधिक रक्कम जिंकली होती. दुसरा ड्रॉ सौदी अरबमध्ये राहणाऱ्या प्रवासी भारतीय अँजेलो फर्नांडिस यांनी जिंकला होता. २५ सप्टेंबर रोजी खरेदी केलेल्या तिकीटावर त्यांनीही भरघोस रक्कम जिंकली होती.
Pakistan: ‘ईशनिंदे’चा आरोप, पाकिस्तानात श्रीलंकन नागरिकाला जिवंत पेटवलं; पंतप्रधानांकडून निषेध
VIDEO: पाकिस्तानात श्रीलंकन नागरिकाला जिवंत पेटवणाऱ्याची कॅमेऱ्यासमोर गर्वानं कबुली
