हायलाइट्स:
- रायगडावर हेलिकॉप्टर उतरवण्यास विरोध
- रोपवेने जाण्याचा राष्ट्रपतींनी घेतला निर्णय
- संभाजीराजे छत्रपतींनी दिली माहिती
राष्ट्रपती कोविंद हे ७ डिसेंबर रोजी रायगडावर येणार आहेत. पूर्व नियोजनानुसार ते हेलिकॉप्टरद्वारे रायगडावर उतरणार होते. पण त्याला शिवभक्तांनी जोरदार विरोध केला. यामुळे त्यांचा दौरा वादग्रस्त ठरण्याची शक्यता निर्माण झाली होती.
सावरकरांबद्दल शिवसेनेचा खासदार असं म्हणाला की… फडणवीसांचा खळबळजनक आरोप
संभाजीराजेंचा राष्ट्रपतींच्या भूमिकेला सलाम!
शिवभक्तांनी केलेल्या मागणीला मान देत राष्ट्रपतींनी रायगडावर जाण्याचा मार्ग बदलला असून ते आता रोपवेने गडावर जाणार आहेत. शिवाजी महाराजांना अभिवादन करण्यासाठी कोणत्याही परिस्थितीत आपली रायगडावर येण्याची इच्छा आहे, अशी राष्ट्रपतींनी भावना व्यक्त केल्याची माहिती खासदार संभाजीराजे छत्रपती यांनी दिली. त्यांच्या या भूमिकेला आपण सॅल्युट करतो असंही संभाजीराजेंनी म्हटलं आहे.
दरम्यान, राष्ट्रपती कोविंद यांच्या रायगड दौऱ्यासाठी रायगड व पाचाडसह ७ हेलिपॅड तयार करण्यात आले होते. रायगडावर होळीचा माळ येथे हेलिपॅड तयार करण्यास शिवप्रतिष्ठान हिंदुस्तान संघटनेसह अनेकांनी जोरदार विरोध केला होता. प्रशासनाने या संघटनांची समजूत काढण्याचाही प्रयत्न केला. पण विरोध कायम राहिल्यामुळे राष्ट्रपतींनीच आपला मार्ग बदलला आहे.
