सांगली : अवकाळी पावसाने सांगली जिल्ह्यातील शेतीचं मोठं नुकसान झालं आहे. द्राक्षबागा उद्ध्वस्त झाल्यानंतरही राज्य सरकारने पंचनामे करण्याचे आदेश दिलेले नाहीत. द्राक्ष उत्पादक शेतकऱ्यांवर मोठं संकट ओढावलं आहे. द्राक्ष बागांचे पंचनामे तात्काळ सुरू करावेत, अशी मागणी सांगलीचे खासदार संजय पाटील यांनी केली आहे.

शेतकऱ्यांना नुकसान भरपाई देण्यासाठी मुख्यमंत्री उद्धव ठाकरे आणि उपमुख्यमंत्री अजित पवार यांनी लक्ष घालावं, अन्यथा राज्य सरकारच्या विरोधात रस्त्यावर उतरण्याचा इशारा खासदार पाटील यांनी दिला आहे.

Violation of corona rules: धक्कादायक! ओमिक्रॉनचा रुग्ण असलेल्या डोंबिवलीत राष्ट्रवादीचा निष्काळजीपणा; कार्यक्रमात नियमांचे उल्लंघन

गेल्या चार दिवसात झालेल्या अवकाळी पावसामुळे सांगली जिल्ह्यातील पिकांचं मोठं नुकसान झालं आहे. विशेषत: द्राक्षबागा उद्ध्वस्त झाल्याने द्राक्ष उत्पादक शेतकरी हवालदिल झाले आहेत. जिल्ह्यात शेती पिकांचे सुमारे तीन हजार कोटी रुपयांचं नुकसान झाल्याचा प्राथमिक अंदाज कृषी विभागाने वर्तवला आहे. मात्र अजूनही राज्य सरकारने नुकसानीचे पंचनामे करण्याचे आदेश दिलेले नाहीत. याबाबत खासदार संजय पाटील यांनी पत्रकार परिषद घेऊन आपली भूमिका मांडली.

omicron india : मोठी बातमी: देशात एकाचवेळी ओमिक्रॉनचे १७ रुग्ण आढळले, एकाच कुटुंबातील ९ जणांना संसर्ग

शेतकऱ्यांनी विम्याचे हप्ते भरूनही विमा कंपन्यांकडून नुकसान भरपाईचे पैसे दिले जात नाहीत. राज्य सरकारने विमा कंपन्यांविरोधात कारवाई करावी, अन्यथा शेतकऱ्यांचा संयम सुटेल. शेतकऱ्यांनी घेतलेल्या कर्जाचं व्याज माफ करावं. तसंच अवकाळी पावसाने झालेल्या नुकसानीचे पंचनामे करण्यासाठी मुख्यमंत्र्यांनी संबंधित यंत्रणांना तातडीने आदेश द्यावेत, अशी मागणी खासदार पाटील यांनी केली.

दरम्यान, अस्मानी संकट असताना महावितरणकडून वीज कनेक्शन तोडली जात आहेत. त्यामुळे वाडीवस्तीवर राहणाऱ्या शेतकऱ्यांचं मोठं नुकसान होत आहे. वीज तोडणी तात्काळ थांबवावी, अन्यथा शेतकऱ्यांकडून तीव्र प्रतिक्रिया उमटतील, असा इशारा खासदार पाटील यांनी दिला आहे.

LEAVE A REPLY

Please enter your comment!
Please enter your name here