हायलाइट्स:

  • ‘ईशनिंदे’च्या आरोपाखाली जमावाकडून हत्या
  • पाकिस्तानात श्रीलंकन नागरिकाची क्रूर हत्या
  • संरक्षणमंत्र्यांकडून मारेकऱ्यांना पाठिशी घालण्याचा प्रयत्न

कराची, पाकिस्तान :

पाकिस्तानात ‘ईशनिंदे’च्या आरोपाखाली एका श्रीलंकन नागरिकाला जमावाकडून मारहाण करत जिवंत जाळण्यात आलं होतं. या घटनेवर जगभरातून प्रतिक्रिया उमटल्या असतानाच पाकिस्तानचे संरक्षण मंत्री परवेझ खाटक मारेकऱ्यांना पाठिशी घालतानाच एक धक्कादायक आणि तितकंच लाजिरवाणं वक्तव्य केलंय.

‘मुलं आहेत… मोठे होतात, इस्लामिक दीन आहेत, जोषात येतात आणि अशी काही कामं करून जातात’, असं परवेज खटक यांनी म्हटलंय. इस्लामच्या घोषणा दिल्या गेल्यानं हे तरुणांचं रक्त उसळलं. याचा अर्थ हा नाही की पाकिस्तान विनाशाकडे वाटचाल करतोय, अशी पुश्तीही पाकिस्तानच्या संरक्षणमंत्र्यांनी जोडलीय.

प्रियांथा कुमारा दियावदना यांची जमावाकडून हत्या एक ‘सामान्य घटना’ असल्याचं वक्तव्यही परवेज खटक यांनी केलंय.

दुसरीकडे, सियालकोटमध्ये या हल्ल्यादरम्यान संतापलेल्या गर्दीसमोर आपला जीव धोक्यात घालून प्रियांथा यांना वाचवण्याचा प्रयत्न करणाऱ्या व्यक्तीला वीरता पुरस्कार देण्याची घोषणा पाकिस्तानचे पंतप्रधान इम्रान खान यांनी केलीय. समोर आलेल्या सीसीटीव्ही फुटेजमध्ये कारखान्याचा प्रॉडक्शन मॅनेजर मलिक अदनान प्रियांथा यांना वाचवण्याचा अयशस्वी प्रयत्न करताना दिसून आला होता.

Pakistan: ‘ईशनिंदे’चा आरोप, पाकिस्तानात श्रीलंकन नागरिकाला जिवंत पेटवलं; पंतप्रधानांकडून निषेध
VIDEO: पाकिस्तानात श्रीलंकन नागरिकाला जिवंत पेटवणाऱ्याची कॅमेऱ्यासमोर गर्वानं कबुली

काय घडलं नेमकं?

सियालकोट पोलीस अधिकाऱ्यांनी दिलेल्या माहितीनुसार, ४० वर्षीय श्रीलंकन नागरिक प्रियांथा कुमारा दियावदना सियालकोटच्या वजिराबाद रोड स्थित एका खासगी कारखान्यात एक्सपोर्ट मॅनेजर पदावर कार्यरत होते. कारखान्यात प्रियानाथ यांच्याविरुद्ध ईशनिंदेच्या अफवा अत्यंत तेजीनं पसरल्या होत्या. याचा निषेध म्हणून कर्मचाऱ्यांनी कारखान्याच्या बाहेर विरोध प्रदर्शनही केलं. याच दरम्यान मोठ्या संख्येत लोक कारख्यान्यात घुसले आणि त्यांनी प्रियानाथ यांना बेदम मारहाण करण्यात आली. त्यानंतर त्यांना जिवंतच पेटवून देण्यात आलं.

शवविच्छेदन अहवालात प्रियांथा यांच्या शरीरातील सर्व हाडं जवळपास तोडण्यात आल्याचं स्पष्ट झालंय. तसंच रुग्णालयात पोहचलेला मृतदेह जवळपास ९९ टक्के जळून राख झाला होता.

Pakistan: ‘तीन महिन्यांचं वेतन नाही’, पाक दूतावासाच्या ट्विटर अकाऊंटवरून पंतप्रधानांची खिल्ली
अमेरिकेत पाक दूतावासाकडे कर्मचाऱ्यांच्या पगाराचेही पैसे नाहीत, एकाचा राजीनामा

LEAVE A REPLY

Please enter your comment!
Please enter your name here