सूत्रधार पंकज विलास कुथे (वय २२), आकाश गुलाबराव लेंडे (वय २६), सुनील ऊर्फ सुमित यशवंत गवळी (वय २७), सूरज बंडूजी मने (वय २२) व चंद्रशेखर रवींद्र कडव (वय १९,सर्व रा. कुही) ,अशी अटकेतील नराधमांची नावे आहेत.
पीडित १९ वर्षीय तरुणी बीएच्या अंतिम वर्षाला शिकते. ती नागपुरात राहते. काही वर्षांपूर्वी तिचा प्रियकरही नागपुरात राहायचा. यादरम्यान दोघांचे प्रेमसंबंध जुळले. प्रियकर कुही तालुक्यातील एका गावात राहायला गेला. १६ मार्चला प्रियकराने प्रेयसीच्या मोबाइलवर संपर्क साधला. तिला भेटायला कुही येथे बोलाविले. १७ मार्चला ती बसने कुही येथे गेली. दुपारी २ वाजताच्या सुमारास दोघेही मोटरसायकलने खैरी येथील मंदिरात दर्शनासाठी जायला निघाले. रस्त्यात मोटरसायकल बंद पडली. याच वेळी पाच युवक तेथे आले. त्यांनी दोघांकडील मोबाइल हिसकावला. प्रियकराला मारहाण केली. तिघांनी तरुणीला जवळील झुडपात नेले. तेथे तिच्यावर अत्याचार केला. याबाबत कोणाला सांगितल्यास ठार मारण्याची धमकी दिली. तरुणी व तिचा प्रियकर घरी परतले. दोन दिवसांपूर्वी तरुणीने तिच्या मैत्रिणीला घटनेची माहिती दिली. मैत्रिणीने तिच्या वडिलांना सांगितले. त्यानंतर पीडित तरुणी, तिची मैत्रिणी व मैत्रिणीच्या वडिलांनी सामाजिक कार्यकर्त्यांच्या मदतीनं तहसील पोलिसांत तक्रार दिली.
पोलिसांनी गुन्हा दाखल करीत प्रकरण कुही पोलिसांकडे वर्ग केले. प्रकरणाची गंभीर दखल घेत अधीक्षक राकेश ओला यांनी स्थानिक गुन्हेशाखा पोलिसांना आरोपींना गजाआड करण्याचे निर्देश दिले. ओला यांच्या मार्गदर्शनाखाली स्थानिक गुन्हे शाखेचे निरीक्षक अनिल जिट्टावार, सहाय्यक निरीक्षक जितेंद्र वैरागडे, उपनिरीक्षक गौरखेडे, हेड कॉन्स्टेबल गजेंद्र चौधरी, रमेश भोयर, संतोष पंधरे, बालाजी ,सतीश राठोड व त्यांच्या सहकाऱ्यांनी आधी सूत्रधार पंकज व नंतर अन्य चार नराधमांना अटक केली.
आक्षेपार्ह व्हिडिओ व्हायरल करण्याची धमकी
अत्याचार केल्यानंतर दुसऱ्या दिवशी पंकज याने पीडित तरुणीशी मोबाइलवरून संपर्क साधला. अत्याचाराचे चित्रीकरण करण्यात आले आहे. तू परत कुही येथे आली नाही, तर चित्रीकरण व्हायरल करेल, अशी धमकी पंकज याने दिली. पीडित तरुणीने पोलिसांना पंकज याचा मोबाइल क्रमांक दिला. त्याआधारे पोलिसांनी शोध घेऊन पंकज व त्याच्या साथीदारांना गजाआड केले.
Maharashtra News, Latest Maharashtra News in Marathi, महाराष्ट्र ठळक बातम्या | Maharashtra Times
