हायलाइट्स:
- अफगाणिस्तानातील एका चिमुरड्याचा व्हिडिओ सोशल मीडियावर व्हायरल
- नकळत्या वयात बॉम्बस्फोटात गमावला पाय
- कृत्रिम पायाच्या मदतीनं धडपडत उभं राहण्याचा प्रयत्न
अफगाणिस्तानात तालिबाननं वर्चस्व मिळवून सत्ता आपल्या हातात घेतल्यानंतर देशात दहशतवादी कारवायांत आणखीनच वाढ झाल्याचं प्रकर्षानं दिसून येतंय. गेली कित्येक दशकं भीषण युद्धाचा सामना करणाऱ्या अफगाणिस्तानवर अगोदर सोव्हियत सैन्य आणि त्यानंतर अमेरिकेनंही बोंबले केले. दहशतवादी कारवायांना आळा घालण्यासाठी या देशांकडून हे हल्ले करण्यात आले असले तरी त्याचा फटका सामान्य नागरिकांना बसल्याशिवाय कसा राहील.
अफगाणिस्तानातील एका बॉम्बस्फोटात आपला पाय गमावणाऱ्या एका चिमुकल्याचा व्हिडिओ सोशल मीडियावर व्हायरल झाला आहे. ‘आयसीआरसी’नं हा व्हिडिओ आपल्या अकाऊंटवरून शेअर केला आहे. ‘द इंटरनॅशनल कमिटी ऑफ द रेड क्रॉस’ ही संस्था दहशतवादानं होरपळणाऱ्या जनतेला दिलासा देण्याचं काम करत आहे.
नीट उभंही राहता न येणाऱ्या एका चिमुरड्याला आपला उजवा पाय एका बॉम्बस्फोटात गमवावा लागला होता. मात्र, कृत्रिम पायाच्या मदतीनं तो आता पुन्हा एकदा उभं राहण्याचा प्रयत्न करताना या व्हिडिओत दिसतोय.
Omicron Community Spread: सावध व्हा! ब्रिटनमध्ये ‘ओमिक्रॉन’चा सामूहिक संसर्ग; २४ तासांत ९० रुग्ण
Corona Vaccine: दोन नवजात बालकांना चुकीनं दिली ‘करोना लस’; रुग्णालयात दाखल
डॉक्टरांच्या आणि वॉकरच्या मदतीनं हा चिमुरडा उभंच राहत नाही तर चालूही शकताना या व्हिडिओत दिसतोय. त्यामुळेच दहशतवादानं होरपळलेल्या जनतेसाठी हा चिमुरडा जगण्याची नवी आशा ठरतोय.
युद्ध किती घातक ठरू शकतात, हे या व्हिडिओतून सहजपणे लक्षात येऊ शकतं. त्यामुळे सोशल मीडियावर या व्हिडिओच्या माध्यमातून संवेदनशील नेटिझन्स युद्ध संपवण्याचं आवाहन करताना दिसून येत आहेत.
अफगाणिस्तानात अनेक ठिकाणी निकामी ठरलेले बॉम्बगोळे परसलेले आढळून येतात. अशावळे लहान मुलांच्या हाती हे दारुगोळे सहज पडताना दिसत आहेत. ‘लँडमाइन्स मॉनिटर २०२१‘ नावाच्या एका अहवालानुसार, २०२० या वर्षात भू-सुरुंग स्फोटांमुळे झालेल्या मृत्यूंच्या संख्येत, अगोदरच्या वर्षीपेक्षा २० टक्क्यांनी वाढ झाल्याचं दिसून येतं. सशस्र संघर्षांत वाढ आणि भू-सुरुंग यांचा नागरिकांना मोठा धोका यात व्यक्त करण्यात आलाय. अहवालानुसार, २०२० या वर्षात एकूण ५४ देश आणि इतर प्रदेशांमध्ये सात हजारांहून अधिक लोकांचा मृत्यू झाला आहे. यात अफगाणिस्तानचाही समावेश आहे.
वाचा : PHOTO : सूर्याचा आजवरचा सर्वात स्पष्ट फोटो, पृष्ठभागावर काळे डाग कसले?
वाचा : India-Russia Deal: मिनिटात ६०० गोळ्या झाडण्याची क्षमता; भारतात होणार ‘एके २०३ रायफल्स’ची निर्मिती
वाचा : विमानांचं कब्रस्तान : इथे एकाच ठिकाणी ४००० हून अधिक विमान पाहायला मिळतील
