हायलाइट्स:
- चीन… सर्वाधिक लोकसंख्या असलेला देश
- चीनमध्ये जन्मदरात तेजीनं घसरण होत असल्याचं धक्कादायक वास्तव
- गर्भधारणा आणि बाळंतपणाच्या खर्चातही सरकारचा आर्थिक हातभार
गेल्या ऑगस्ट महिन्यात चीनच्या राष्ट्रीय संसदेनं तीन अपत्यांच्या नीतीला औपचारिक मंजुरी दिली होती. जगातील सर्वाधिक लोकसंख्या असलेल्या चीनमध्ये जन्मदरात तेजीनं होणारी घसरणं रोखण्यासाठी हे पाऊल उचलण्यात आलं होतं. याचाच पुढचा टप्पा म्हणून आता चीनमध्ये तिसऱ्या अपत्याला जन्म देण्यासाठी जोडप्यांना प्रोत्साहन दिलं जातंय. यासाठी, चीनमधील अनेक प्रांतांत गर्भधारणा आणि बाळंतपणाच्या खर्चावर सबसिडी देणे तसंच तिसरं मुलाला जन्म देणाऱ्या जोडप्यांना करात सवलत अशा अनेक उपाययोजनांची घोषणा करण्यात येतेय.
देशातील कोसळत्या लोकसंख्येचं संकट दूर करण्यासाठी चीन सरकारनं हे धोरणात्मक पाऊल उचललं आहे. चीनच्या नॅशनल पीपल्स काँग्रेसनं (NCP) सुधारित लोकसंख्या आणि कुटुंब नियोजन कायदा मंजूर केला आहे. यानुसार, चीनी जोडप्यांना तीन मुलांना जन्म देण्याची परवानगी देण्यात आलीय.
मुलांच्या संगोपनाच्या खर्चामुळे अधिक मुलं होऊ देण्यात चिनी जोडप्यांना स्वारस्य नसल्याचं समोर आलं होतं. या समस्येवर उपाय म्हणून हे पाऊल आलंय.
Sialkot lynching: ‘पाकिस्तान म्हणजे काही भारत नाही’, पाक मंत्र्यांनं नाहक भारतालाही वादात ओढलं
नवीन वर्ष… नवा नियम; UAE कर्मचाऱ्यांना दोन दिवसांपेक्षा मोठा ‘वीक ऑफ’
गेल्या ऑगस्ट महिन्यात ‘लोकसंख्या आणि कुटुंब नियोजन कायदा’ मंजूर झाल्यानंतर आतापर्यंत चीनमधील २० हून अधिक प्रांतस्तरीय क्षेत्रात स्थानिक ‘बाल जन्म नियमां’मध्ये सुधारणा जाहीर केल्या आहेत.
चीनची सरकारी वृत्तसंस्था ‘शिन्हुआ’नं दिलेल्या वृत्तानुसार, बीजिंग, सिचुआन आणि जियांक्सी यांसहहीत इतर प्रदेशांनी या संदर्भात अनेक सहाय्यक उपाययोजना जाहीर केल्या आहेत. यात, पितृत्व रजेचा कालावधी वाढवणं, प्रसूती रजा आणि लग्नासाठी रजेचा कालावधी वाढवणं अशा सुविधांचाही समावेश आहे.
गर्भधारणा आणि बाळंतपणाचा खर्च यांमध्येही सरकारनं जोडप्यांना आर्थिक हातभार देण्याची गरज, ‘राष्ट्रीय आरोग्य आयोगा’चे अधिकारी यांग वेन्झू यांनी व्यक्त केली होती.
उल्लेखनीय म्हणजे, २०१६ पर्यंत चीनमध्ये कित्येक दशकांपूर्वीच एक मूल धोरण रद्द करत जोडप्यांना दोन मुलांना जन्म देण्याची परवानगी देण्यात आली होती. त्यानंतरही जनगणनेत देशातील लोकसंख्येच्या वाढीचा वेग मंदावल्याचं दिसून आल्यानंतर चीनमध्ये तीन मुलांना जन्म देण्याची परवानगी देण्यात आली.
US China: मानवी हक्कांच्या उल्लंघनाचा आरोप; अमेरिकेचा चीनला जोरदार धक्का
Earth Black Box: विमानाचा नाही, पृथ्वीचा ‘ब्लॅक बॉक्स’, पृथ्वीच्या पतनाची कहाणी होणार रेकॉर्ड
