– हेलिकॉप्टर अपघातातून बचावलेले एकमेव अधिकारी हवाई दलाचे ग्रुप कॅप्टन वरुण सिंह यांना अधिक उपचारासाठी बेंगळुरूतील लष्कराच्या कमांड हॉस्पिटलमध्ये दाखल करण्यात आले
– पार्थिक घेऊन C130J विमान सुलूर विमानतळावरून रवाना, रात्री ८ वाजता दिल्लीतील पालम विमानतळावर पोहोचणार
– सुलूर विमानतळावर सर्व पार्थिव दाखल
– पार्थिक घेणाऱ्या रुग्णवाहिकांपैकी एका रुग्णवाहिकेला अपघात…
– सीडीएस रावत आणि लष्कराच्या अधिकाऱ्यांचे पार्थिव घेऊ जाणाऱ्या रुग्णवाहिकांवर फुलांचा वर्षाव… तामिळनाडूतील नागरिकांनी दिल्या ‘भारत माता की जय च्या घोषणा’
– सीडीएस बिपीन रावत यांना श्रद्धांजली वाहण्यासाठी सर्व खासदारांना किमान एक दोन मिनिटं सभागृहा बोलू द्यावं, अशी मागणी आम्ही केली होती. पण ही मागणी फेटाळून लावण्यात आली. हे दुर्दैवी आहे आणि आम्ही सरकारच्या वर्तनाचा निषेध करतोः मल्लिकार्जुन खर्गे, विरोधी पक्षनेते राज्यसभा
– मद्रास रेजिमेंटल सेंटरवरून अधिकाऱ्यांचे पार्थिव सुलूर विमानतळाकडे रवाना… सुलूर विमानतळावरून
– हेलिकॉप्टरचा फ्लाइट डेटा रेकॉर्ड आणि कॉकपिट व्हाइस रेकॉर्डर मिळाला
– हवाई दलाचे एअर मार्शल मानवेंद्र सिंह यांच्या नेतृत्वात तिन्ही सैन्य दलांची चौकशी समिती नेमली
– हेलिकॉप्टर अपघात निधन झालेल्या सर्वांना तामिळनाडूचे मुख्यमंत्री एम. के. स्टॅलिन यांची श्रद्धांजली
– राज्यसभेतही काही वेळ मौन पाळत आदरांजली वाहण्यात आली
– काही वेळ मौन पाळत, निधन झालेल्या सर्व अधिकाऱ्यांना लोकसभेची आदरांजली
– १२ वाजून ०८ मिनिटांनी हेलिकॉप्टरचा संपर्क तुटला होता. अपघातातून बचावलेले ग्रुप कॅप्टन वरुण सिंह हे व्हेंटिलेटरवर आहेत. त्यांना वाचवण्याचे शर्थीचे प्रयत्न सुरू आहेतः राजनाथ सिंह
– अपघाताच्या चौकशीसाठी एक समिती नेमण्यात आली आहे. घटनास्थळी हवाई दल प्रमुखांना पाठवण्यात आलं आहे. घटनास्थळी आणि वेलिंगटनला जाऊ त्यांनी स्थितीची माहिती घेतलीः राजनाथ सिंह
– सीडीएस बिपीन रावत यांच्यासह लष्कराच्या सर्व अधिकाऱ्यांवर लष्करी इतमामात अंत्यसंस्कार करण्यात येतील. त्यांचे पार्थिक आज संध्याकाळपर्यंत दिल्लीत आणले जातीलः राजनाथ सिंह
– सीडीएस बिपीन रावत, त्यांची पत्नी मधुलिका रावत आणि रावत यांचे सल्लागार, क्रूमेंबर्स आणि ९ लष्करी अधिकाऱ्यांचे हेलिकॉप्टर अपघातात निधन…
– लोकसभेत संरक्षण मंत्री राजनाथ सिंहांचे निवेदन सुरू
– संरक्षण मंत्री राजनाथ सिंह थोड्याच वेळात संसदेत हेलिकॉप्टर दुर्घटनेची माहिती देणार
– हेलिकॉप्टर अपघाताच्या ठिकाणी ब्लॅक बॉक्स सापडला, अपघात काशामुळे झाला? याची कारणं समोर येणार
– हेलिकॉप्टर क्रॅशमध्ये निधन झालेल्या सर्वांचे पार्थिव तामिळनाडूच्या निलगिरी जिल्ह्यातील वेलिंगटन येथील लष्कराच्या हॉस्पिटलमधून मद्रासच्या रेजिमेंटल सेंटरमध्ये आणण्यात आले
– एअर चीफ मार्शल व्ही. आर. चौधरी हेलिकॉप्टर दुर्घटनाग्रस्त झालेल्या ठिकाणी पोहोचले, हवाई दलाने दिले आहेत उच्चस्तरीय चौकशीचे आदेश
– दिल्लीतील कॅन्टोन्मेंटमध्ये होणार सीडीएस बिपीन रावत यांच्या पार्थिवावर अंत्यसंस्कार,
– सीडीएस बिपीन रावत यांचे पार्थिक आज संध्याकाळी दिल्लीत आणले जणार, उद्या होणार अंत्यसंस्कार
– हेलिकॉप्टर क्रॅश होण्याचं कारण खराब हवामान आणि कुठलेही तांत्रिक कारण असू शकत नाही, तज्ज्ञांचे मत
– तामिळनाडूतील कुन्नूरमध्ये हवाई दलाचे हेलिकॉप्टर बुधवारी कोसलळे. या घटनेत सीडीएस बिपीन रावत, त्यांची पत्नी आणि लष्कराच्या ११ अधिकाऱ्यांचे असे एकूण १३ जणांचे निधन झाले.
