हायलाइट्स:

  • २२१ करोनाबाधित रुग्णांच्या नमुन्यांचे जीनोम सिक्वेन्सिंग
  • पालिकेच्या पाहणीमध्ये आढळले’डेल्टा’चे ११ टक्के रुग्ण
  • ४१ ते ६० वर्षे वयोगटातील ३३ टक्के बाधित
  • तपासणीतील एकाही रुग्णाच्या मृत्यूची नोंद नाही

म. टा. विशेष प्रतिनिधी, मुंबई

करण्यासाठी विषाणूच्या जीनोम सिक्वेसिंग चाचण्यांच्या पाचव्या टप्प्यात मुंबईतील २२१ रुग्णांमधील करोना विषाणू नमुन्यांच्या अभ्यासात ‘डेल्टा’ प्रकाराचे ११ टक्के आणि ‘डेल्टा डेरिव्हेटिव्ह्ज‘चे ८९ टक्के रुग्ण आढळले आहेत. मुंबई पालिकेकडून केल्या जाणाऱ्या जीनोम सिक्वेसिंग चाचण्यांमध्ये यापूर्वीच ओमायक्रॉनचे दोन रुग्ण आढळले आहेत. ही संख्या संकलित नमुन्यांच्या संख्येत एक टक्क्यांपेक्षाही कमी आहे. तर एकाही बाधित रुग्णाचा मृत्यू झालेला नाही

मुंबईत करोनाचा प्रादुर्भाव कमी होण्यात लसीकरणाचे प्रमाण महत्त्वाचे ठरले आहे. मात्र, तरीही ओमायक्रॉनच्या पार्श्वभूमीवर कोणतेही दुर्लक्ष होऊ नये याकडे पालिकेने लक्ष पुरविले आहे. पालिकेच्या कस्तुरबा रुग्णालयात जीनोम सिक्वेसिंग प्रयोगशाळा आणि पुण्यातील राष्ट्रीय विषाणू विज्ञान संस्थेकडून पाचव्या टप्प्यातील नमुन्यांची चाचणी घेण्यात आली. त्यात, करोना झालेल्या २७७ रुग्णांच्या नमुन्यांची चाचणी झाली. त्यातील २२१ रुग्ण मुंबईकर असून त्यांचा अहवाल पालिकेने प्रसिद्ध केला आहे.

ओमायक्रॉनला रोखण्यासाठी BMCची जय्यत तयारी; 9 रुपयांत अँटिजेन टेस्ट किट, अर्ध्या तासात अहवाल

अंबरनाथमध्ये परदेशातून आलेले २७ प्रवासी बेपत्ता; युद्धपातळीवर शोध सुरू

त्यात, मुंबईतील २२१ रुग्णांपैकी १९ रुग्ण (९ टक्के) हे शून्य ते २० वर्षे वयोगटातील आहेत. २१ ते ४० वर्षे वयोगटातील ६८ रुग्ण (३१ टक्के), ४१ ते ६० वर्षे वयोगटात ७३ रुग्ण (३३ टक्के), ६१ ते ८० वर्षे वयोगटात ५४ रुग्ण (२५ टक्के), ८१ ते १०० वर्षे वयोगटातील सहा रुग्णांचा (३ टक्के) समावेश आहे. २२१ रुग्णांपैकी ‘डेल्टा’चे २४ रुग्ण (११ टक्के) आणि ‘डेल्टा डेरिव्हेटिव्ह’ प्रकारचे १९५ रुग्ण (८९ टक्के) आहेत.

लसीकरण निकष पाहिल्यास या २२१ रुग्णांपैकी पहिली मात्रा घेतलेल्या एका रुग्णास आणि दोन्ही मात्रा घेतलेल्या २६ जणांना रुग्णालयात दाखल करावे लागले. एकही मात्रा न घेतलेल्या ४७ पैकी १२ जणांना रुग्णालयात दाखल करण्यात आले. पालिकेने संकलित केलेल्या २२१ नमुन्यांपैकी एकाही बाधित रुग्णाचा मृत्यू झालेला नाही, असे अहवालात स्पष्ट केले आहे.

Omicron In Maharashtra: चांगली बातमी! राज्यात गेल्या २४ तासांमध्ये ओमिक्रॉनचा एकही नवा रुग्ण नाही

LEAVE A REPLY

Please enter your comment!
Please enter your name here