परभणी बातम्या लाईव्ह: लसीकरणात १ ते १०० नंबरवाल्यांना मिळणार बक्षीस, तुमचा क्रमांक कोणता आहे? – prabhani news vaccination centre near me reward for getting vaccinated in parbhani

परभणी : परभणी महानगरपालिकेच्यावतीने ११ ते १५ डिसेंबर दरम्यान लसीकरण केंद्रावर विशेष लकी ड्रॉ मोहीम राबविण्यात येणार आहे. शहरातील कोणत्याही लसीकरण केंद्रावर एक ते शंभर दरम्यान लसीकरण क्रमांक असलेल्या संबंधित नागरिकांस महानगरपालिकेकडून लकी ड्रॉ काढून बक्षीस वितरीत करणार आहे. लसीकरण्याची गती वाढावी यासाठी लकी ड्रॉ मोहीम राबविण्याचा निर्णय परभणी मनपाकडून घेण्यात आला आहे.

परभणी जिल्ह्यात ७२ टक्के नागरिकांनी लसीचा पहिला डोस घेतलेला आहे तर केवळ ३७ टक्के नागरिकांनी लसीचा दुसरा डोस घेतला आहे. त्यामुळे लसीकरणात राज्याच्या तुलनेत परभणी हे प्रचंड मागे आहे. परभणी जिल्ह्यात अद्यापही साडेचार लाख नागरिकांनी पहिली लस घेतलेली नाही. मराठवाड्याच्या ९ जिल्ह्यांपैकी लसीकरणात परभणीचा नंबर पाचवा आहे. तर राज्याच्या ३६ जिल्ह्याची तुलना करता लसीकरणात परभणीचा नंबर २९ वा आहे.

२० वा बर्थडे ठरला अखेरचा, लिंबाच्या झाडाला साडीने गळफास; वडिल शेतात पोहोचले अन्…
यामुळेच परभणी महानगरपालिकेकडून लसीकारणाची टक्केवारी वाढवण्यासाठी विविध उपाययोजना राबवल्या जात आहेत. मनपाकडून राबवल्या जाणाऱ्या बक्षीस योजनेचा किती फायदा लसीकरण वाढवण्यासाठी होते हे येणाऱ्या दिवसात स्पष्ट होईल.

तुळजाभवानी दर्शनाला गाडी शहरात वळली अन् तरुणांवर काळाचा घाला, १२ जण असलेल्या क्रुझरचा भीषण अपघात