sharad pawar: पहिल्यांदा खुर्ची दिली, आता म्हणाले, फक्त आदेश द्या, पवारांसमोर राऊतांची फटकेबाजी – shivsena mp sanjay raut praises sharad pawar says i am always ready to obey orders of sharad pawar

मुंबई : राष्ट्रवादी काँग्रेसचे सर्वेसर्वा शरद पवार यांच्या निवडक भाषणांचा संग्रह असणारे ‘नेमकचि बोलणे’, या पुस्तकाचे शनिवारी मुंबईत प्रकाशन झाले. या कार्यक्रमात शिवसेना संजय राऊत यांनी आपल्या नेहमीच्या शैलीत जोरदार फटकेबाजी केली. सध्या सोशल मीडियावर संजय राऊत यांचा शरद पवार यांना संसदेत खुर्ची देतानाचे एक छायाचित्र व्हायरल आहे. त्यावरुन विरोधकांनी संजय राऊत यांच्यावर खोचकपणे निशाणाही साधला होता. या पार्श्वभूमीवर संजय राऊत यांनी आपल्या भाषणातून विरोधकांना प्रत्युत्तर दिले. मी शरद पवार यांना खुर्ची का दिली, हे समजायला त्यांची 61 भाषणं वाचली पाहिजेत. मी निमंत्रणाशिवाय जावं, अशी मोजकीच कुटुंब महाराष्ट्रात आहेत. पवार कुटुंब त्यापैकीच एक आहे. सुधीर भोंगळे यांनी काल मला हे पुस्तक दिलं. त्यानंतर फोन करुन मी तुम्हाला निमंत्रण द्यायला विसरल्याचे त्यांनी म्हटले. पण मला या कार्यक्रमाचं निमंत्रण देण्याची गरजच नव्हती. आम्हाला आदेश घेण्याची सवय आहे. आम्ही कितीही शिखरावर गेलो की, एकदा घरच्यांनी आदेश दिला की आम्ही तो न कुरकुरता पाळतो, असे संजय राऊत यांनी म्हटले.
गिरणी संप फसल्यानंतर शिवसेनेनं मिलच्या जमिनींची टक्केवारी खाल्ली, एसटीचा संपही त्याच वाटेने: पडळकर
शरद पवार यांनी आजपर्यंत राज्याला आणि देशाला दिशा देण्याचं काम केलं आहे. त्यामुळे तरुणांनी त्यांचं हे भाषणांचं पुस्तक नक्कीच वाचलं पाहिजे. यामधून अनेकांना दिशा मिळेल, असेही राऊत यांनी म्हटले. तसेच महाराष्ट्रातील विरोधकांचा सन्मान करण्याच्या परंपरेविषयी सांगताना संजय राऊत यांनी पवारांचा एक किस्साही सांगितला. शरद पवार यांनी स्वातंत्र्यवीर सावरकर यांच्यावर नागपूरात केलेलं भाषणही या पुस्तकात आहे. मात्र, मला शरद पवार यांनी सावरकर यांच्यावर बारामतीत केलेलं एक भाषण आठवतं. थोडेफार मतभेद असूनही महाराष्ट्रातून निर्माण झालेल्या वीर सुपूत्राचा सन्मान करणारे ते भाषण होते. आपल्या विरोधकांचा सन्मान करण्याची महाराष्ट्राची परंपरा आहे. त्याच परंपरेला हे साजेसं भाषण होतं, असेही संजय राऊत यांनी म्हटले.
sanjay raut : खुर्ची देण्यावरून टीका; खवळलेल्या संजय राऊतांनी वापरला अपशब्दयावेळी संजय राऊत यांनी आपल्या विरोधकांना इशाराही दिला. आमच्याकडे दारुगोळा खूप आहे, आम्ही तो वेळ आलो की फोडू, असे त्यांनी म्हटले. भाजप देशाचे तुकडे करत आहे. भाजप देशाला उलट्या दिशेने नेत आहे. हे पवारांनी 1996मध्ये सांगितलं होतं. ते आता आम्हाला कळू लागले आहे, अशा शब्दांत राऊत यांनी भाजपला चिमटा काढला.