8 नोव्हेंबरला एसटी कर्मचाऱ्यांच्या संपाला सुरुवात झाली होती. त्यानंतर राज्यभरातील एसटी वाहतूक ठप्प झाली होती. दरम्यानच्या काळात राज्य सरकार आणि एसटी संघटनांच्या प्रतिनिधींमध्ये अनेक बैठका झाल्या.

एसटी अनिल परब

आता नव्या वर्षात एसटीच्या १० हजार कर्मचाऱ्यांना कारणे दाखवा नोटीस पाठवण्यात येणार आहे. निलंबित कर्मचाऱ्यांना त्यांचे म्हणणे मांडण्यासाठी बोलावले जाईल. यासाठी त्यांना तीनवेळा संधी दिली जाईल.

मुंबई : तब्बल महिनाभरापेक्षा अधिक कालावधीपासून सुरु असलेल्या एसटीच्या संपावर अद्याप तोडगा निघालेला नाही. राज्याचे परिवहन मंत्री यांनी संपकरी कर्मचाऱ्यांना कामावर पुन्हा रुजू होण्यासाठी सोमवारपर्यंतची मुदत देऊ केली होती. मात्र, त्यानंतरही बहुतांश कर्मचारी संपाच्या भूमिकेवर ठाम आहेत. त्यामुळे आता राज्य परिवहन महामंडळाने (एस.टी) कारवाईचा पहिला गेअर टाकला आहे. त्यानुसार आता नव्या वर्षात एसटीच्या १० हजार कर्मचाऱ्यांना कारणे दाखवा नोटीस पाठवण्यात येणार आहे. निलंबित कर्मचाऱ्यांना त्यांचे म्हणणे मांडण्यासाठी बोलावले जाईल. यासाठी त्यांना तीनवेळा संधी दिली जाईल. यावेळी गैरहजर राहिल्यास त्यांना बडतर्फीची नोटीस धाडली जाईल. या नोटीसला सात दिवसांच्या अवधीत उत्तर न दिल्यास संबंधित एसटी कर्मचाऱ्यांना कायमस्वरुपी बडतर्फ केले जाईल. त्यामुळे आता यावर एसटी कर्मचाऱ्यांमध्ये काय प्रतिक्रिया उमटणार, हे पाहावे लागेल. किमान या भीतीने तरी कर्मचारी पुन्हा कामावर परतणार का, हे पाहावे लागेल.
एसटी बस आगारातून बाहेर काढतानाच वाहकाची मन:स्थिती बिघडली आणि…
8 नोव्हेंबरला एसटी कर्मचाऱ्यांच्या संपाला सुरुवात झाली होती. त्यानंतर राज्यभरातील एसटी वाहतूक ठप्प झाली होती. दरम्यानच्या काळात राज्य सरकार आणि एसटी संघटनांच्या प्रतिनिधींमध्ये अनेक बैठका झाल्या. यावेळी राज्य सरकारने एसटी कर्मचाऱ्यांना वेतनवाढ जाहीर केली होती. कामावर परतलेल्या कर्मचाऱ्यांना सुधारित आदेशानुसार वाढीव वेतनही मिळाले होते. मात्र, उर्वरित कर्मचारी एसटीचे राज्य सरकारमध्ये विलिनीकरण करण्याच्या मुद्द्यासाठी अडून बसले होते. परंतु, हा मुद्दा न्यायालयीन समितीच्या अखत्यारित असल्यामुळे त्यासंदर्भात तातडीने निर्णय घेता येणार नाही, असा पवित्रा राज्य सरकारने घेतला होता. त्यामुळे एसटी संपाचा तिढा अद्याप सुटलेला नाही.
गिरणी संप फसल्यानंतर शिवसेनेनं मिलच्या जमिनींची टक्केवारी खाल्ली, एसटीचा संपही त्याच वाटेने: पडळकर
रविवारी सायंकाळच्या आकडेवारीनुसार रविवारी राज्यभरात 2119 बसेस धावल्या होत्या. एसटी महामंडळाला रविवारी 122 आगारातील वाहतूक अंशत: सुरु करण्यात यश आले होते. परंतु, सध्या एकूण कर्मचाऱ्यांपैकी अवघे दोन टक्के कर्मचारी कामावर परतले आहेत. हे कर्मचारी आपल्या हितापेक्षा पक्षाचे हित महत्त्वाचे मानतात. त्याचे फळ त्यांना मिळेलच. त्यामुळे थेट संपावर कोणताही परिणाम झालेला नाही आणि होणार नाही. आजही ९८ टक्के कर्मचारी संपावर कायम आहेत. शासनाने आमची मूळ मागणी मान्य करावी, हीच आमची अपेक्षा असल्याचे या कर्मचाऱ्यांनी स्पष्ट केले होते.

जवळच्या शहरातील बातम्या

मराठी बातम्या अॅप: तुम्हालाही तुमच्या अवतीभवती होत असलेल्या बदलांमध्ये सहभागी व्हायचं आहे? सिटिझन रिपोर्टर अॅप डाउनलोड करा आणि रिपोर्ट्स पाठवा.

वेब शीर्षक: 10000 कर्मचार्‍यांना कारणे दाखवा नोटीस पाठवून st संप सुरू केला
मराठी बातम्या महाराष्ट्र टाइम्स, टीआयएल नेटवर्क कडून

LEAVE A REPLY

Please enter your comment!
Please enter your name here