हायलाइट्स:

  • स्वप्नील लोणकरने नोकरी नसल्याने नैराश्यातून संपवले होते आयुष्य
  • एमपीएससीच्या मुलाखतीच्या यादीत स्वप्नीलच्या नावाचा समावेश
  • स्वप्नील आता मुलाखतीला हजर राहू शकत नसल्याचे मित्रांना दुःख

मुंबई: राज्य लोकसेवा आयोगाची परीक्षा उत्तीर्ण होऊनही अद्याप नोकरी नसल्याच्या तणावातून स्वप्नील लोणकर या उमेदवाराने आत्महत्या केली होती. ज्या मुलाखतीच्या यादीत आपले नाव पाहण्यासाठी स्वप्नील उत्सुक होता, ती यादी मंगळवारी प्रसिद्ध झाली आणि त्यामध्ये स्वप्नीलचे नाव होते. मात्र, आता स्वप्नील या मुलाखतीसाठी हजर राहू शकणार नसल्याचं दुःख त्याचे मित्र व्यक्त करत आहेत. तर आता नाव येऊन त्याच्या कुटुंबीयांना काय फायदा होईल, असा प्रश्न उपस्थित केला जात आहे.

सन २०१९मध्ये म्हणजेच सुमारे दोन वर्षांपूर्वी राज्य लोकसेवा आयोगाची पूर्व आणि मुख्य परीक्षा उत्तीर्ण होऊनही मुलाखत होत नसल्याने व नोकरी मिळत नसल्याच्या ताणतणावातून, तसेच आर्थिक परिस्थिती कमकुवत झाल्याने स्पर्धा परीक्षांचा अभ्यास करणाऱ्या स्वप्नीलने गळफास घेऊन पुण्यातील फुरसुंगी येथील गंगानगरमध्ये २९ जून रोजी आत्महत्या केली होती.

अनास्थेचा बळी
‘वडिलाच्या खांद्यावर मुलाचे पार्थिव म्हणजे…’, स्वप्निलच्या वडिलांचे डोळ्यांत आश्रू आणणारे शब्द

ही घटना घडून आता जवळपास सहा महिन्यांचा कालावधी लोटत असताना, सन २०१९च्या त्या परीक्षेच्या मुलाखत यादीत आता स्वप्नीलचे नाव आले आहे. ज्या कारणासाठी त्याने आत्महत्या केली त्या मुलाखतीच्या यादीत त्याचे नाव आले; मात्र आता स्वप्नील या मुलाखतीसाठी हजर राहू शकणार नसल्याचे दु:ख त्याचे मित्र व्यक्त करीत आहेत. आता हे नाव येऊन त्याच्या कुटुंबीयांना काय फायदा होणार, असा प्रश्नही उपस्थित होतो आहे. तसेच ही यादी वेळेत जाहीर झाली असती, तर कदाचित स्वप्नील ही मुलाखत देऊ शकला असता, अशी भावनाही सोशल मीडियावरून व्यक्त होत आहे.

स्वप्निल लोणकर आत्महत्या प्रकरणी प्रविण दरेकरांची राज्य सरकारवर गंभीर टीका

LEAVE A REPLY

Please enter your comment!
Please enter your name here