हायलाइट्स:

  • एसटी कर्मचाऱ्यांचा संप सुरूच
  • परिवहन मंत्री अनिल परब यांना निलंबित कर्मचाऱ्यांना इशारा
  • …तर निलंबित कर्मचाऱ्यांना बडतर्फ केले जाऊ शकते – परब
  • रत्नागिरी दौऱ्यात असताना परब यांनी दिले कठोर कारवाईचे संकेत

रत्नागिरी: विलीनीकरणाच्या मुद्द्यावर एसटी कर्मचाऱ्यांनी अजूनही संप सुरूच ठेवला आहे. त्यामुळे अनेक कर्मचाऱ्यांचं निलंबन करण्यात आलं आहे. निलंबित झालेल्या एसटीच्या कर्मचाऱ्यांना बडतर्फही केलं जाऊ शकतं, असा इशारा राज्याचे परिवहन मंत्री आणि पालकमंत्री अनिल परब यांनी दिला.

राज्याचे परिवहन मंत्री आणि पालकमंत्री अनिल परब सध्या रत्नागिरी दौऱ्यावर आहेत. यावेळी त्यांनी एसटी संप आणि निलंबित कर्मचारी याबाबत महत्वाची माहिती दिली. एसटीच्या निलंबित कर्मचाऱ्यांना बडतर्फही केलं जाऊ शकतं, अशा इशारा त्यांनी यावेळी दिला.

रत्नागिरी: नगरपंचायत निवडणुकीआधीच कोकणातील वातावरण तापले
चिंताजनक! पनवेलमधील ८६ हजार नागरिकांनी दुसरा डोस घेतलेला नाही

सरकार हातावर हात ठेवून बसू शकत नाही, असंही ते म्हणाले. दरम्यान, परब ज्या शासकीय विश्रामगृहावर मुक्कामाला आहेत, तेथून जवळच शंभर मीटर अंतरावर एसटी आंदोलक आहेत. म्हणून अधिक खबरदारी म्हणून परब यांच्या सुरक्षेत वाढ करण्यात आली आहे. गेल्या काही दिवसांपासून राज्यभर एसटी संप सुरू आहे. आतापर्यंत दहा हजारांपेक्षा अधिक कर्मचारी निलंबित झाले आहेत. अडीच हजारांपेक्षा अधिक रोजंदारीवरील कामगारांची सेवा समाप्त करण्यात आली आहे. प्रशासन कारवाईचे एकेक पाऊल पुढे टाकत आहे. जे निलंबित झालेत त्यांची बडतर्फी होऊ शकते. सरकारला अशी कारवाई करण्याची अजिबातच इच्छा नाहीये. परंतु लोकांना वेठीला धरून अत्यावश्यक सेवा वेठीला धरली जात असेल, तर सरकारही हातावर हात ठेवून बसणार नाही. सरकार सर्व पर्यायांचा विचार करत आहे. ते वापरावे लागतील, असं परब यांनी सांगितलं.

किरीट सोमय्यांच्या खोट्यानाट्या आरोपांमुळे कोकणातील पर्यटनावर घाला; अनिल परबांचा आरोप
दापोली नगरपंचायत प्रचारसभेच्या बॅनरवरुन योगेश कदमांचा फोटो गायब, दळवींनी घेतली जागा; शिवसैनिकांमध्ये तर्कवितर्कांना उधाण

एसटी कर्मचाऱ्यांना मेस्मा लावणार की नवी नोकर भरती करणार? असा सवाल करण्यात आला. त्यावर या संदर्भात बैठक व्हायची आहे. त्यावर निर्णय घेऊ, असं त्यांनी सांगितलं. एसटीच्या सेवेत आतापर्यंत २२ हजार कर्मचारी परत आले आहेत. एसटीची १२५ डेपोत वाहतूक सुरू आहे. पश्चिम महाराष्ट्र, कोकणात बऱ्यापैकी वाहतूक सुरू आहे. तर विदर्भ मराठवाड्यात कमी प्रमाणात वाहतूक सुरू आहे. २० तारखेनंतर हळूहळू वाहतूक सुरू होईल, असं त्यांनी स्पष्ट केलं.

Ratnagiri News | रत्नागिरी बातमी | Ratnagiri News in Marathi | Ratnagiri Local News – Maharashtra Times

LEAVE A REPLY

Please enter your comment!
Please enter your name here