dombivli: डोंबिवलीत रिक्षाचालकाला मारहाण, घटनास्थळी असं काही सापडलं की पोलीसही हादरले – dombivli auto rickshaw driver beaten police found one round of pistol at the spot

डोंबिवली : दुचाकीला कट मारल्याच्या रागातून दुचाकीस्वाराने रिक्षाचालकाला आणि त्याच्या साथीदाराला १० ते १५ साथीदारांच्या मदतीने मारहाण केल्याची घटना डोंबिवलीत घडली होती. या घटनेचे सीसीटीव्ही फुटेज समोर आल्यानंतर पोलिसांनी आरोपींना बेड्या ठोकल्या आहेत. पोलीस तपास करत असताना, घटनास्थळी पिस्तुलची गोळी पडली होती. मारहाण करताना आरोपींनी पिस्तूल बाहेर काढले होते, अशी माहिती आता समोर आली आहे. पोलिसांनी अमोल केदारे आणि सिद्धार्थ मोरे या दोघांना अटक केली आहे. अमोलकडे विनापरवाना पिस्तुल आले कुठून आणि कशासाठी त्याने घेतले होते, याचा तपास आता पोलिसांनी सुरू केला आहे.

डोंबिवली पूर्व येथून रिक्षाचालक राजेश भालेराव रिक्षा घेऊन जात रस्त्यावरून असताना कट मारण्याच्या कारणावरून दुचाकीस्वार सिद्धार्थ मोरे यांच्यात वाद झाला होता. सिद्धार्थ मोरे याने अमोल केदारे व त्यांच्या साथीदारांसह भालेराव याला इंदिरा चौकात गाठले. अमोल व सिद्धार्थ यांनी आपल्या १० ते १५ साथीदारांसह भालेराव याला बेदम मारहाण केली. या मारहाणीची घटना सीसीटीव्ही कॅमेरात कैद झाली होती.

Ulhasnagar Crime : मोलकरणीनंच चोरले ९१ तोळे सोने; तपासानंतर पोलीस, क्राइम ब्रांचही चक्रावले
मुंगसाच्या केसांपासून बनवलेले हजारो ब्रश जप्त; कराडमध्ये मोठी कारवाई

भालेराव याने डोंबिवलीतील रामनगर पोलीस ठाण्यात या प्रकरणी तक्रार दाखल केली. पोलिसांनी घटनास्थळी पाहणी केली असता, या ठिकाणी त्यांना पिस्तुलाची गोळी आढळून आली. पोलिसांना संशय आल्याने त्यांनी या प्रकरणी अमोल केदारे व सिद्धार्थ मोरे यांना ताब्यात घेतले. अमोलला पोलिसांनी खाक्या दाखवताच, त्याने भांडणादरम्यान आपल्याजवळील पिस्तुल काढत असताना, आपल्याजवळील पिस्तूलमधून गोळी पडल्याची कबुली दिली. पोलिसांनी घटनेचे गांभीर्य लक्षात घेऊन अमोल केदारे व सिद्धार्थ मोरे या दोघांना अटक केली. अमोलने हे पिस्तूल कुठून आणले व कशासाठी, याचा तपास पोलीस करत आहेत.

धक्कादायक! वडिलांचे निधन, आईनं वाऱ्यावर सोडलं; मुलीवर ‘त्याची’ वाईट नजर पडली, जंगलात तिच्यावर…
ठाणे: साडेपाच हजार आरोपी सापडेनात!, काही फरार तर, काही वॉन्टेड

डोंबिवलीचे एसीपी जे. डी. मोरे यांनी सांगितले की, डोंबिवली पोलीस ठाण्याच्या हद्दीत एक गुन्हा दाखल झाला होता. फिर्यादी भालेराव याला आरोपी सिद्धार्थ आणि अमोल या दोघांनी दुचाकीला कट मारल्याच्या रागातून मारहाण केली होती. त्यांच्याकडे पिस्तुलही होते. त्यातील एक गोळी घटनास्थळी पडली होती. या गुन्ह्याचा तपास करून, पोलिसांनी दोघा आरोपींना अटक केली. त्यांच्याकडील पिस्तुल हस्तगत केले आहे. फिर्यादी आणि आरोपी यांच्यात वाद होता, अशी माहिती समोर आली आहे. या प्रकरणाचा पुढील तपास सुरू आहे.

दुचाकीला कट मारल्याचं निमित्त झालं, त्यानंतर चौकात १०-१५ जण आले अन् रिक्षाचालकाला…