धक्कादायक! विधवा आणि घटस्फोटीत २६ महिलांना दिले लग्नाचे आमिष; लुटले करोडो रुपये
सिडको पोलीस कृष्णाचा शोध घेत असतानाच गुरुवारी सकाळी काही नागरिक हिमायतबाग परिसरात फिरात असताना रक्ताच्या थारोळ्यात भिंतीच्या कडेला असलेल्या खड्ड्यात तरुण निपचित पडलेला दिसला. नागरिकांना संशय आल्याने त्यांनी ही माहिती पोलिसांना दिली. घटनेची माहिती मिळताच, बेगमपुरा पोलिसांसह गुन्हेशाखेच्या पथकाने घटनस्थळी धाव घेतली. याचवेळी कृष्णाची बहीण आपल्या भावाच्या आयफोनच्या लोकेशन वरून भावाला शोधत-शोधत घटनास्थळी पोहचली. तर पोलीस पाहून तिने हंबरडा फोडला आणि त्यानंतर मृतदेह कृष्णाचा असल्याचं स्पष्ट झालं.
ज्या ठिकाणी हत्या झाली त्या ठिकाणच्या सुमारे ३० फूट अंतरापर्यंत रक्ताचे डाग, आणि झटापटीच्या खुणा पोलिसांना आढळून आल्या आहेत. घटनास्थळी दारूच्या बाटल्या आढळल्याने दारूच्या नशेत हे कृत्य झाले असावे असा देखील कयास लावण्यात येत आहे. तर बेगमपुरा पोलिसांनी कृष्णाच्या कॉल डिटेल्सवरून विचारपूससाठी तीन ते चार संशयितांना ताब्यात घेतले आहे.
पुन्हा एका वाघाचा मृत्यू, चंद्रपूर जिल्ह्यात एकाच दिवशी वाघाच्या तीन दुर्दैवी घटना
