पुणे जिल्ह्यात संतापजनक घटना; घरात घुसून नवविवाहितेवर अत्याचार – rape of 26 year old woman in mulshi taluka of pune district

पुणे : महिलांवरील अत्याचाराचे प्रमाण दिवसेंदिवस वाढत चालले आहेत. अशातच पुणे जिल्ह्यातून एक धक्कादायक घटना समोर आली आहे. मुळशी तालुक्यात राहणाऱ्या एका महिलेच्या घरात घुसून तिच्यावर बलात्कार करण्यात आला. सुसगांव येथे गुरुवारी झालेल्या या घटनेनं परिसरात खळबळ उडाली आहे. (बलात्काराची केस ठेवा)

पीडित महिलेच्या फिर्यादीवरून हिंजवडी पोलिसांनी आरोपी राजेंद्र नागनाथ जाधव (वय-४०, रा-सुसगांव, मुळशी) याला अटक केली आहे.

‘ती’ बातमी आली आणि एसटी कर्मचाऱ्याने सोडले प्राण; पत्नीने फोडला टाहो!

पोलिसांकडून मिळालेल्या माहितीनुसार, १६ डिसेंबर रोजी दुपारी १२.३० ते १२.५० वाजताच्या दरम्यान आरोपी राजेंद्र जाधव हा २६ वर्षीय महिलेच्या घरात जबरदस्तीने घुसला. त्याने महिलेला ओढत दुसऱ्या खोलीत नेले व दरवाजा आतून बंद करून तिच्यावर बलात्कार केला.

या प्रकरणी आरोपीवर हिंजवडी पोलीस स्टेशनमध्ये गुन्हा दाखल करण्यात आला आहे. पुढील तपास हिंजवडी पोलीस स्टेशनच्या महिला पोलीस उपनिरीक्षक बोरकर व पोलीस उपनिरीक्षक काकडे हे करत असल्याची माहिती मिळाली आहे.

दरम्यान, या घटनेनंतर परिसरातील नागरिकांकडून संताप व्यक्त करण्यात येत असून आरोपीवर कठोर कारवाई करण्याची मागणी केली जात आहे.