पंतप्रधान नरेंद्र मोदी यांनी मंगळवारी मध्यरात्रीपासून २१ दिवसासाठी देशात लॉकडाऊन जाहीर केले आहे. मात्र, ही घोषणा करताना जनतेला जास्त संभ्रमावस्थेत ठेवले असल्याचे सांगत जयंत पाटील यांनी तीव्र नाराजी व्यक्त केली.
जीवनावश्यक गोष्टींबाबत पंतप्रधानांच्या निवेदनात स्पष्टता अत्यंत आवश्यक होती. देश एका संकटाला तोंड देत असताना देशाच्या सर्वोच्च नेतृत्वाने अपुरी माहिती दिल्याने, देशात अनागोंदी निर्माण झाली आहे. परंतु, महाराष्ट्रातील जनतेने घाबरून जाण्याचे कारण नाही असेही जयंत पाटील यांनी स्पष्ट केले.
महाराष्ट्रात गेले दोन दिवस लॉकडाऊन सुरूच आहे. पुढील काळातही जनतेच्या सर्व जीवनावश्यक सेवा सुरू राहतील. हे सरकार जनतेला जीवनावश्यक सुविधांच्या बाबतीत कोणताही त्रास होऊ नये यासाठी कटिबद्ध आहे, असे आश्वासनही जयंत पाटील यांनी दिले.
Marathi News: मराठी बातम्या, Latest News in Marathi, Breaking Marathi News, Marathi News Paper | Maharashtra Times
