kalyan: कल्याण: रेल्वे यार्डात ट्रॅकवर काम करत होता मजूर, तीन तरूण त्याच्याजवळ आले अन्… – kalyan railway worker attacked and attempt robbed in railway yard

कल्याण : कल्याण रेल्वे (कल्याण Railway) यार्डात रेल्वे ट्रॅकवर काम करणाऱ्या एका मजुराला बेदम मारहाण करून लुटीचा प्रयत्न करणाऱ्या दोघा आरोपींना कल्याण जीआरपीने ताब्यात घेतले. तिसऱ्या आरोपीचा शोध सुरू केला आहे. ताब्यात घेण्यात आलेल्या दोन आरोपींमधील एक आरोपी हा अल्पवयीन आहे. त्याची रवानगी बालसुधारगृहात करण्यात आली आहे.

पोलिसांवर हल्ला करून पळालेल्या आरोपींनी दोन गावे ओलांडली, शेवटी पोलिसांनी केली ‘ही’ युक्ती
कल्याण पूर्व भागातील रेल्वे यार्डात देविदास भले हा तरूण शुक्रवारी संध्याकाळी साडेपाच वाजताच्या सुमारास काही काम करीत होता. या दरम्यान तीन तरुण त्याच्याजवळ आले. या तिघांनी देविदास याची जबरदस्तीने झाडाझडती सुरू केली. या दरम्यान देविदास याने जोरदार प्रतिकार केला. त्याचा प्रतिकार पाहून हे तिघे आणखीन चिडले. तिघांनी देविदास याला मारहाण करण्यास सुरुवात केली. त्याच्यावर चाकूने हल्ला करण्यात आला.

कणकवली हादरले! शिवसेना नेत्याच्या निकटवर्तीयावर तलवारीने हल्ला
भाजप नगरसेविकेच्या मुलावर खंडणी, अपहरणाचा गुन्हा; लग्न करून झाला फरार?

जखमी देवीदास याने बचावसाठी आरडाओरडा केला. हे पाहून तिघे पळायला लागले. यातील एकाला काही नागरिकांनी पकडले. त्याला कल्याण जीआरपीच्या ताब्यात दिले. याबाबत पोलिसांनी अल्पवयीन आरोपीकडे चौकशी केली. त्याने इतर साथीदारांची नावे सांगितली. सध्या अल्पवयीन आरोपीची भिवंडी बालसुधारगृहात रवानगी करण्यात आली आहे. यातील दुसरा आरोपी सद्दाम शेख याला अटक करण्यात आली आहे. तिसरा आरोपी अद्याप फरार आहे. त्याचा शोध सुरू असल्याचे पोलिसांनी सांगितले.

ठाण्यातील सोनसाखळी चोरांना पकडायचं कसं?; पोलिसांनी युक्ती लढवली आणि…